第十一章 轉學生原來是吸血鬼

「同學仔，今日…班入面有個轉學生。」老師講。「入嚟！」老師對住門口大叫。 「我叫馮雲漢。」雲漢係個中國人。佢講完之後，就勁cool咁行去血月嗰邊。「我可以坐。」呢個時候，雲漢用嗰種欠揍嘅眼神望住血月。 「唔使理佢！」血月唔屑咁講。我應該唔屑先啱。睇吓佢啲眼神望住血月，好彩血月脾氣好啲，如果唔係…血月真係會一拳打落佢個靚仔樣度。 「都幾有個性喎。」雲漢用嗰種得佢自己先聽到嘅聲講，可惜…血月係邊個呀！血月梗係聽到佢講咩啦，不過扮聽唔到囉。 「喂…雲漢係中國人，咁大家以後都要好好相處吓啦。」老師都估唔到雲漢會cool爆咁講完個名就轉身走人。 「中國人。原來中國都有咁靚仔嘅人…」「係呀…好型…」「點解我哋班咁好彩？兩個型男加一個靚女！」班入面嘅花痴都開始討論…點解老師唔鬧佢哋？因為…老師已經消失咗。 「你好，我叫血月& # 12539;格林。」血月好有禮貌咁做介紹，佢一直覺得呢個有王霸之氣嘅中國人一定唔簡單，而且…佢甚至feel到呢個中國人有啲熟口面。 「你嘅介紹好似錯咗喎。」雲漢cool爆咁講。 「吓？冇喎。」血月有啲慌咁講，咁嘅講法應該係暗示…但係，我同佢識唔夠一個鐘，佢點知我係邊個呀！ 「喂，我同你講…里昂血月‧喬‧利斯曼，英文嘅純血吸血鬼。」雲漢喺血月耳仔仔邊輕聲講。 「喂…你係邊個…？！」血月完全嚇親，佢竟然知佢嘅身份？係咪吸血鬼獵人呀？唔得，唔得！ 「我呀？你咪知囉…」雲漢講完就走到菲利嗰度，菲利一路都用想食咗佢嘅眼神望住佢。「菲利，一直咁樣望住人哋係好失禮㗎！」雲漢行到菲利身邊，輕聲咁講。 「你…點知我個名？」菲利用有啲難以置信嘅語氣講，畢竟，佢都未做介紹呀！ 「我知道你係吸血鬼。」呢句都係喺菲利耳仔邊講。 「哦。咁都唔難。」菲利明顯冇血月咁慌，佢好冷靜咁講。 「哦…你都好勁。比血月鎮定好多。」雲漢講完，就向一路都望住菲利同雲漢嘅血月拋咗個媚笑，笑完就轉身走人。雲漢唔笑都仲好，一堆花痴係度尖叫，呢個笑容…成個課室都係花痴嘅尖叫聲！連天花板都畀佢哋掀翻埋。 「大佬…你知唔知佢係邊個？」血月問，行到菲利嘅枱邊。雖然唔知佢係邊個，但係應該可以用血月嘅熟口面去查吓嘅。 「返去問王啦，依家有時間就好…」菲利講完，就捉住血月去咗學校停車場。菲利同血月就咁樣飛車走咗。 城堡—— 「王！」菲利同血月一入到門口，就見到王同埋一個男人坐喺客廳度。 「你哋返嚟啦。啱啱好介紹你哋識吓人。」王講完，就轉身俾菲利同血月睇吓佢哋。 「點解係你呀！」血月同菲利異口同聲咁講，係呀…嗰個人就係馮雲漢！ 「又見面啦。」雲漢又係嗰個媚笑… 「你哋識㗎！」王用有啲疑惑嘅眼神望住佢哋… 「王，我哋返嚟係想問你佢係邊個！」血月搶先菲利講。 「我唔係好知。我同你哋講…佢係中國吸血鬼…中國吸血鬼嘅大佬。」王咁嘅介紹差啲嚇死菲利同血月…中國都有吸血鬼嘅！我以為中國得吸血鬼獵人咋！ 「唔好咁驚訝，中國嘅吸血鬼唔係好多…尤其係純血最少…得三個咋。」雲漢好似見到佢哋嘅驚訝，幫佢哋解答。 「邊三個？肯定有你嘅！」血月好似對中國吸血鬼好有興趣咁。都冇辦法啦…佢最鍾意食中國嘢，又同雲漢咁close，搞唔掂佢以後都可以食多啲嘢食。 「仲有我老豆同埋我阿媽。」雲漢答咗呢個笨問題。都係嘅啦。知雲漢係純血…肯定只有純血先可以生得出嘅。 「吓。唔好意思…好似問咗個on9嘅問題。」血月啱啱反應到自己問咗幾on9嘅問題。 「冇嘢嘅…」雲漢表示明白。 「大佬…我終於知嗰種熟口面係咩啦。原來…係吸血鬼嘅熟口面呀！」血月開心咁講。 「係呀…我都想知嗰種熟口面係邊度嚟。」菲利都答。 「你哋同班嘅？」王好似唔知雲漢去人類學校咁。 「嗯…」雲漢嗯咗一聲。 「哦，我的天。你…喺佢哋班入面？！」王驚訝到叫出嚟，不過…菲利同血月更加疑惑…點解唔係？佢哋三個望落都差唔多size呀！ 「點解唔係？」血月問問題。 「喂…我同你哋講…佢係1000歲。」王拋出一個驚人嘅數字，呢個數字一定會令菲利同血月尖叫。 「吓。1000歲！」菲利同血月異口同聲咁尖叫。 「喂…唔使咁誇張嘅，係咪呀？」雲漢已經扶住自己個額頭。 「使乜唔誇張呀！1000歲！天呀。」血月真係太過驚訝啦，唔似菲利，驚訝完之後就鎮定好多。 「唔好咁興奮啦。」雲漢好努力咁想血月冷靜啲。 「可以唔興奮咩？1000歲…天呀，對我嚟講係天文數字呀。」血月有啲幼稚咁講，都係嘅…對佢嚟講真係天文數字，血月都係百幾歲。同埋菲利。都係二百幾歲。 「嘿嘿…」雲漢、王同菲利同時笑出嚟…因為…佢哋真係冇嘢好講。 「我返房度靜靜地先啦。喂，你哋慢慢傾。」血月都覺得自己太過驚訝啦，所以就揀咗返房度冷靜吓。 血月嘅睡房—— 「喂…天呀…我唔敢相信…佢1000歲！而且佢係中國吸血鬼…天呀…佢可以同我啲祖先排埋㗎喎。咁佢老豆…咪…更大！哦，我的天。哦，我的天。」血月一返到房就開始尖叫…好彩，間房嘅隔音效果一流，如果唔係成個城堡嘅人都會畀佢嘈聾耳仔… 「冷靜啲…冷靜啲…唉。點樣可以冷靜呀…1000歲？」血月真係令人覺得佢瘋咗。「1000歲…王都係860歲咋！佢大過王呀！」血月真係冷靜唔到啦… 「公主…」然後張媽就入嚟，拎住一杯芒果布甸。 「張媽？」其實都唔係嗌張媽嘅。係嗌芒果布甸咋。 「食啲啦。」張媽竟然都係奉命行事咁，拎咗芒果布甸… 「張媽，你真係最好。」血月跳落床，緊緊咁抱住張媽，搞到張媽差啲喘唔到氣。 「呼…差啲死咗。」張媽喺度猛咁吸氣。 「唔好意思。」血月講嘢嘅同時，都一路喺度食布甸。 「唔好邊食邊講嘢！」張媽教育緊。 聽完張媽嘅說話…血月就猛咁點頭…咁樣就真係會冷靜落嚟啦。睇嚟，淨係得嘢食先可以令血月冷靜到。 而樓下嘅菲利、王同雲漢終於可以正常咁傾偈…佢哋啱啱差啲畀血月嘅獅吼嚇死…天呀…血月嘅獅吼真係勁呀。連咁好嘅隔音牆都冇晒作用！好彩…菲利淨係叫張媽拎杯布甸俾血月…如果唔係。真係唔敢想像後果！