الفصل الثالث
الموسيقى كانت بتمشي في كل مكان حولي وجسمي. شيلت كعبي وبدأت أرقص على إيقاع الأغنية.
'V. I. C. Wobble Wobble'
لفيت حولي وأنا برقص. ياسمين كانت بترقص مع جوزها المستقبلي.
الست هولين الأولى كانت بترقص مع السيد هولين الأول.
أمي كانت بتكلم واحد من الطباخين بتوع إيفان.
وكل الباقي كانوا مع حد.
إي جي كان بيبعت رسايل على تليفونه وأنا روحت ناحيته.
"هاي!" الأغنية كانت أعلى من صوتي بس هو سمعني. حط تليفونه وفتح عليا وبصلي.
"فين جزمك؟" بص على رجلي، رفع حواجبه ورسم ابتسامة. "بتتجهزي عشان تقدملي عرض؟"
"متتكبرش يا إي جي. كنت برقص ومش بعرف أرقص بالكعب."
"اوكيه. يلا نرقص يبقى." قربني من السماعات ومسكني تاني في حضنه. حاولت أرجع لورا شوية بس ده بس خلاه يشدني أكتر.
بعد ما الأغنية خلصت، اتحررت من حضنه الجامد ورجع تاني لتليفونه.
'يا خسارة'
"هاخد العصير ده لأختي." اعتذرت لنفسي وبدأت ألعن في سري وأنا بمشي ناحية ياسمين وإيفان.
ليه فجأة غيرانة لما إي جي مكنش بيديها أي اهتمام، بس أول ما اخدته بعدت عنه؟
إيه الغلط اللي فيا؟
"هاي." ياسمين لاحظتني الأول.
"هاي زينا."
"هاي يا جماعة. مبروك تاني، مش قادرة استنى الفرح."
"وخمن ايه؟" أختي سألت.
"ايه؟ أنتِ عارفة ان التخمين مش نقطة قوتي."
ضحكنا.
"هخليكي وصيفة الشرف بتاعتي" ياسمين قالت في ودني.
رسمت ابتسامة وحضنتها تاني وأديتها كوباية نبيذ. شربتها كلها مرة واحدة ورجعت ترقص مع إيفان.
__________
روحت جوة عشان أدخل الحمام وأظبط نفسي. قفلت الباب ورايا، عملت بيبي، غسلت ايدي وعدلت ميكاب.
في طريقي وأنا خارجة، اترميت جوة نفس الحمام تاني.
"ليه بتتجنبيني؟"
"مش بتجنبك."
"أنا أعرف لما حد بيحاول يتجنبني يا زينا."
"طيب يا إي جي، دي حفلة. أنا بس بستمتع بنفسي."
"ليه مش ممكن تستمتعي بنفسك في وجودي؟"
"مش هينفع نتكلم في الموضوع ده هنا."
"تمام. عشان أنا مدخلتش هنا عشان نتكلم."
قرب مني ومسكني عليه. قلبي بدأ يدق بسرعة، وشفايفه قربت أكتر وأكتر من شفايفي. لفيت رأسي شوية على الشمال عشان شفايفه تلمس خدودي.
"مش عاوزة تبوسيني؟"
إحنا عمرنا ما عملنا علاقة ولا حتى بوسنا بعض. كنا بس بنحضن بعض كل مرة نتقابل. كان صديق.
"إحنا في الحمام." اديت عذر.
بص حواليه.
"إيفان عنده أوض كتير في البيت ده. يلا نروح واحدة."
"لا يا إي جي! لا."
كنت أعرف ايه ممكن يحصل ومش هسمح لنفسي أنزل الطريق ده مع ابن ملياردير. شفتي ايه اللي حصل لياسمين مع أخوه ومش عاوزة حاجة زي دي تحصل معايا كمان.
بالرغم من أنها وإيفان مع بعض تاني، الأمور ممكن متظبطش معايا زي ما حصل معاهم.
"زينا، أنا مش عاوز أعمل معاكي علاقة. أنا بس عاوز نتكلم ونقضي وقت سوا. مشوفتكيش من تلات أسابيع."
مكنش شوفنا بعض من كام أسبوع بس كنا بنتكلم فيديو كل يوم تقريبا.
ده مش بيتحسب؟
خبط على باب الحمام فزعنا.
"مين هنا؟ محتاجة أدخل الحمام!"
دي كانت أم إي جي وكانت هتشوفنا في الحمام سوا لو دخلت.
من وجهة نظر زينا
"اششش. هتمشي" هو همس في ودني ومسكني تاني في حضنه.
"ابعد يا إي جي!" قلت بصوت واطي عالي، بعدت عنه بسرعة وبدأت أمرر كفوفي على فستاني، بعدله وبفرده.
"ألو" الست هولين قالت تاني وخبطة تاني على الباب.
"أنا هنا!" صرخت.
"زينا، أنتِ؟" سألت.
"أيوة يا ست هولين، وهقعد هنا شوية.". وشي احمر من الإحراج بس كنت هقول أي حاجة عشان امنعها أنها تستنى برة الباب ده.
"تمام يا حبيبتي. هدخل واحد تاني."
سمعت صوت كعبها، بيخبط على الرخام المصقول وهي بتمشي.
أخدت نفس طويل وزحلقت ضهري على باب الحمام وإي جي ضحك بخفة كأن الموقف كان برنامج تسلية بالنسبة له.
"مش مضحك يا إي جي. لو مكنتش قفلت الباب وكانت دخلت علينا؟"
"كانت هتشوف ابنها راجل."
ضيقت عيني عليه بعنف وقمت. فتحت باب الحمام وبصيت برة، وتأكدت أن المكان فاضي قبل ما أخرج.
~
طلعت من الحمام ومشيت على طول على أختي.
"بأدور عليكي في كل مكان. كنتي فين؟"