Simula ng Laro

POV ni Klementine Nakatayo na kami ngayon sa harap ng talon. Ang ganda dito at may mga lumilipad pang insekto. "Nasa west side tayo." Tiningnan ko si Fin na nakahawak sa lupa at nakapikit. Minulat niya yung mata niya at tumingin sa akin kaya umiwas ako ng tingin. "Wala ka ba talaga talagang kapangyarihan?" Lumingon ako kay Fin na nakatingin sa akin. Tiningnan ko yung mga kasama namin na nakatingin na sa aming dalawa. "Woi Fin, wag ka ngang magsimula ng gulo." Umungol si Leana. "Tinatanong ko lang naman siya kung wala siyang kapangyarihan para malaman ko kung sino ang nakikinabang." Napangiwi ako sa sinabi ni Fin. "Doon tayo sa East Side." Tiningnan ko yung humawak sa kamay ko at nakita kong si Creed yun. "Bakit tayo pupunta sa East side kung nasa north side yung finish line?" Tanong ni Fin. "May mga Gorbloys sa north side na nagbabantay sa harap ng finish line, mas madali kung sa likod tayo dadaan." Sabi ni Creed. "Mas madali kung lalabanan na lang natin yung mga Gorbloys kasi mas mahina sila kesa sa mga estudyanteng pwede nating makalaban sa East side." Sabi ni Fin. "Tsk, bakit ka pa nakikipaglaban? Tignan mo 'to." Sabi ni Von kaya napatingin kami sa kanilang apat. Nakatingin sina Leona at Leana sa isang papel kaya lumapit kami. "Mapa ng maze." Sabi ko. "Nandito tayo." Sabi ni Van at tinuro yung pinakadulo ng maze. "Mali si Fin ng sinabi na nasa west side tayo, nasira yung kapangyarihan niya kasi nasa Kryptonite place na tayo. Nasira yung mga kapangyarihan natin." Sabi ni Leona at umupo sa isang bato malapit sa amin. "Kung ganon nasa pinakadulo tayo ng maze at kalat-kalat yung mga kalaban natin." Sabi ni Fin. "Tama. So tara na." Sabi ni Leana habang tinuturo yung mapa, tiningnan ko yun at papunta yung daan sa caster forest. Tiningnan ko lang yung mapa, nasa pagitan kami ng Caster forest at Dark forest. "Ughm... Pwede bang magtanong?" Bulong ko. Napatingin sila sa akin. "Gaano kalakas ang casting ability niyo?" Tanong ko sa kambal kaya natahimik lahat. "Kinukwestiyon mo ba yung casting ability namin?" Parang na-offend si Leana. Napalunok ako. "Hindi naman ganun, kasi napansin ko lang na nasa pagitan tayo ng Caster Forest at Dark Forest. Sa nabasa ko sa libro, kapag pupunta tayo sa caster forest, lahat ng mga witch na dadaan na may sobrang lakas na kakayahan ay hihina. Yung witch na mahina ang kakayahan ay lalakas kapag dumaan sa Dark forest." Sabi ko kaya napakunot yung noo nila. "Tama siya." Sabi ni Fin. "So pag dumaan tayo sa caster forest, hihina kami ni Leona ganun?" Tanong sa akin ni Leana. "Ughm... Oo, delikado rin kapag dumaan tayo sa Caster forest at nakasalubong natin ang ibang witch vampire." Sabi ko. Pinigilan sila ni Leona at tumingin sa akin saka ngumiti. "My Gosh, Klementine ang talino mo." Sabi ni Leona at nag-thumbs up. "So pupunta tayo sa dark forest?" Tanong ni Creed. "Wala nang pagpipilian." Sabi ni Van. "Pero madilim diba?" Tanong ni Von. "Sobrang dilim diba?" Tanong ni Van kay Von. "Pero kailangan natin ng ilaw." Sabay-sabay kaming napatingin kay Fin na naglalaro ng apoy sa kamay niya. "Okay may ilaw na tayo, tara na." Sabi ng dalawang kambal at nagsimula ng maglakad papunta sa dark forest. Pinagmasdan namin si Fin na nagiging apoy ang buong katawan. Mabuti yun para makita tayong lahat. Naglalakad lang kami nang huminto yung magkambal na lalaki sa harapan namin. "Anong meron?" Tanong ni Leana. Inamoy ni Von at Van yung hangin tapos lumingon sa amin. "May mga Wolf Vampire sa paligid. Magtago ka Klementine." Sabi ni Van at kasabay nun nagtransform siya ng lobo. Namatay yung apoy sa buong katawan ni Fin. Nagulat ako sa may humawak sa beywang ko. Tiningnan ko siya at nakita ko yung kamay ni Fin. "Dito ka lang sa tabi ko. Wag kang lalayo at wag kang aalis. Hawakan mo lang kamay ko kapag natatakot ka. Proprotektahan kita." Biglang bumilis yung tibok ng puso ko sa sinabi ni Fin. Humarap siya sa akin dahilan para magtama yung mga mata namin. Napalunok ako dahil sa nararamdaman ko. Nakarinig kami ng ingay kaya sabay-sabay kaming lumingon sa harapan namin. "Lumalaban sila Von at Van." Mahinang sabi ni Creed at nagtransform siya ng bat. "Wag na tayong sumali, kaya na nila yun." Sabi ni Leona. Naramdaman ko yung higpit ng hawak sa akin ni Fin kaya humarap ako sa kanya. Bakit ba bumibilis yung tibok ng puso ko? Mga ilang minuto pa bumalik na sila dito. Napansin ko may galos si Von sa kaliwang pisngi niya. "Bro masakit ba?" Tanong ni Van sa kanya. "Hindi Van hindi." Sagot niya ng sarcastic at tiningnan siya ng masama. "Tara na." Binitawan ako ni Fin at nagpalabas ulit siya ng apoy sa buong katawan niya. Nauna ng maglakad si Fin. Tiningnan lang ako ng kambal saka nauna ng umalis. "Tara na." Sabi ni Creed at hinawakan yung kamay ko saka na rin umalis kasabay ko.