Personalidad

Tumingin ako kay Shawn na nakasilip sa malaking salamin na humaharang sa pagitan ng kwarto kung saan kami nanonood at sa kwarto kung saan si Damon ay nasa loob kasama ang isang Sikiyatra. Rinig na rinig namin yung dalawa na nag-uusap mula sa kinatatayuan namin. Si Damon ay nakasuot ng puting gown, habang may dalawang lalaki sa likod niya. "Ilan taon ka na?" Tanong sa kanya ng babaeng Sikiyatra. "12." Sagot ni Damon na walang emosyon, Inabot ko kay Shawn yung mineral water na hawak ko, agad niya itong tinanggap tapos ay tumingin ulit kay Damon. "Ilang taon mo na nararanasan yung mga bagay na sinabi mo sa akin?" Tanong ng babae kay Damon. "Simula nung 10 years old ako." Sagot ni Damon na walang emosyon, walang emosyon sa mukha niya. Ipinatong ko ang braso ko at sumandal sa upuan. Kahapon ay pumunta kami ni Damon at Shawn sa bahay ng Sikiyatra kaharap ni Damon ngayon, desidido si Damon na mawala si Achaz kaya kahit madaling araw ay hindi kami umalis sa doktor. "May natatandaan ka ba kapag lumalabas si Achaz?" Tanong ng doktor kay Damon. "Minsan wala, minsan meron." Sagot ni Damon. Pagkatapos nung nangyari, nung una naming pagkikita kay Achaz, isinugod namin si Damon sa ospital dahil nasaksak siya sa tiyan, agad siyang gumaling at ilang araw pagkatapos ay pinauwi na siya ng doktor. "Gaano kadalas lumabas si Achaz?" "Hindi ko alam." Simula noon ay hindi na namin nakita si Achaz. Dahil na rin sa muntikan na sanang saksakin ni Achaz si Shawn, sinabi ni Damon na lumayo muna si Shawn sa kanya para masigurado na hindi na mauulit yung pagtatangka ni Achaz sa buhay ni Shawn. "May posibilidad bang biglang sumakit ang ulo mo kapag lumalabas si Achaz?" Tanong ng doktor. Tumango si Damon. "Tuwing nakakatulog ako, sa tingin ko doon lang lumalabas si Achaz, wala akong nararamdaman kapag lumalabas siya." Sagot ni Damon. Tahimik kaming nanonood ni Shawn mula rito sa malaking salamin, ilang oras ang lumipas nakita namin na tumayo yung doktor habang nakaupo pa rin si Damon, nakita namin na tinapik ng Doktor si Damon sa balikat bago lumabas ng kwarto at humarap sa amin. "Ano, kamusta siya?" Agad kong tanong. Huminga ng malalim ang doktor tapos ay sumenyas na sumunod kami sa kanya. Agad kaming sumunod sa kanya hanggang sa makapasok kami sa isang kwarto, sa tingin ko ay opisina niya. "Kamusta si Damon? Pwede na ba siyang umuwi ngayon?" Tanong ni Shawn, tinignan kami ng doktor tapos ay umiling. "Sa kaso ni Damon, hindi ko muna siya pauuwiin sa inyo." Sabi ng doktor kaya natahimik kami. "Delikado kasi wala siyang magulang at ganun din kayo." Dagdag pa niya. "Anong nangyayari sa kanya? Dok, hindi ko maintindihan, si Rodolfo lang yung makakaintindi sa aming tatlo kung anong nangyayari sa kanya." Sabi ni Shawn at tumingin sa akin. Nakita ko na napabuntong hininga yung doktor. "Hindi pa naaangkop na sabihin ko sa inyo ang ganoong bagay, pero dahil kaibigan mo si Damon at nag-aalala ka sa kanya, sasabihin ko na kung ano sa tingin ko ang nangyayari sa kanya." Sabi ng doktor. Natahimik kami ni Shawn tapos ay tinignan namin ang doktor na puno ng atensyon. "Alam mo naman na may Multiple Personality Disorder si Damon, hindi ba?" Tanong ng doktor. Tumango kami bilang sagot. "Alam niyo ba kung ano ang Multiple personality disorder?" Tanong nito kaya tumango ako. Tinignan ng doktor si Shawn. "Ang multiple personality disorder ay isang sakit kung saan may dalawang personalidad na nagkakasama sa iisang katawan, tulad ni Damon at Achaz." Paliwanag ng doktor kay Shawn. Huminga ito ng malalim tapos ay tumingin sa amin. "Sa kanyang sakit, meron kaming tinatawag na 'Host' yung host ang nagmamay-ari talaga ng katawan ng taong may MPD. Sa kaso ng kaibigan niyo, si Damon ....... hindi siya yung host." Natigilan kami sa sinabi ng doktor. Nagkatinginan kami ni Shawn. "H-ha?" "Hindi kay Damon yung katawan na 'yon, isa lang siya sa mga personalidad na nandoon. At sila yung tinatawag naming 'Alter'" Sabi nito kaya mas lalo kaming naguluhan ni Shawn. "Kung ganun, si Achaz yung host?" Tanong ni Shawn, umiling ang doktor. "Hindi, alter din siya." Sagot ng doktor kay Shawn, sumandal ako sa upuan ko. "Kung ganun, sino yung host?" Tanong ko, nagkibit-balikat ang doktor. "Yan ang aalamin ko, kaya habang pinagaaralan ko ang kaibigan niyo, pansamantala siyang nandito. Pwede niyo siyang bisitahin at kamustahin habang pinagaaralan ko siya." Sabi ng doktor, natahimik na lang kami ni Shawn, tumingin ako sa bintana ng opisina ng doktor sa harap namin tapos ay nag-isip ng malalim. Kung isa lang din sa alter si Damon na sinasabi ng doktor na kausap namin, bakit niya gustong mawala si Achaz? Sino yung host sa katawan na 'yon? Ano at sino pa yung isa pang alter sa katawan na 'yon? "Base sa sinabi ng kaibigan niyo, malamang si Achaz yung Alter na nakakasagupa niya, kadalasan sa isang may MPD, yung alter umaabot ng 100 yung alter. Posible na may isa pang Alter sa katawan na 'yon." Paliwanag ng doktor. "Si Damon, yung karaniwang alter na nagpapakita." Dagdag niya. "Mawawala ba yung mga alter na 'yon?" Tanong ni Shawn sa doktor. Seryosong tumingin ang doktor sa kanya. "Oo, pero hindi." Sagot nito tapos huminga ng malalim. "Masyado pa kayong bata para intindihin ang mga ganitong bagay. Sa ngayon, kailangan ko yung kaibigan niyo na si Damon para pag-aralan kung sino yung host niya. Nabanggit din ni Damon sa akin na gusto niyang mawala si Achaz, bagay na gusto kong malaman." Sabi nito kaya bigla akong kinabahan. Paano kung nalaman ng doktor na ito na pinatay ni Achaz ang mga magulang niya? Na may namatay dahil sa Alter na 'yon? Malamang isusumbong ng doktor sa harap namin sa pulis at ilalabas si Achaz. Nag-aalala rin ako para sa doktor dahil pag nagkataon na lumabas si Achaz at na-trigger ng doktor na ito yung alter na 'yon malamang ay may madadamay na naman. "P-paano malalaman kung ang Host ay nasa harapan mo at hindi Alter?" Tanong ni Shawn. Ngumiti ang doktor sa amin. "Madali lang, binigyan na ako ng detalye ni Damon para malaman ko kung sino yung host." Sabi niya tapos inalis niya yung salamin sa mata niya. "Malapit na ring matapos ang oras ng pagbisita, bumalik na lang kayo bukas para makausap si Damon." Sabi niya at tumayo, tumayo rin kami ni Shawn at tumango sa doktor. "Maraming salamat po, sana po ay magamot niyo si Damon." Sabi ko, ngumiti sa akin ang doktor. "Sa makakaya ko, pwede ka nang umasa." Sabi nito dahilan para ngumiti ako at gaanan ang pakiramdam. Damon, hindi pa tayo nagkakilala ng matagal, hindi pa kita kilalang mabuti pero pwede kang umasa na tutulungan ka namin, tutulungan ka naming mawala si Achaz.