Kabanata 19: SILANG DALAWA LAMANG

"Uy! Ilan na ulit 'yung mga bote na ginawa mo? Pa-pa-pasensya na, nakalimutan ko," tanong niya kay Andre. "Mayroon tayong 100 bote ng gamot," sagot ni Andre. "Makakalimutin ka talaga, Adam," sabi niya habang kinakamot 'yung ulo niya. "Kung sa tingin mo kulang 'yung mga bote ng gamot natin. Dapat magbigay ulit tayo ng sample ng dugo. Dalawa pang bag ng dugo galing sa atin, isa 'yung sayo at akin," suhestiyon ni Hannah. "Sapat na 'yun para sa mga zombie sa loob ng dalawang kwarto na pinagkulungan ko sa kanila. Ang problema, 'yung mga zombie sa labas ng laboratoryong 'to. Wala tayong sapat na gamot para sa kanila ngayon," paliwanag ni Adam sa kanila. "Sa tingin ko hindi magandang ideya 'yan, Hannah, kung gagawin natin 'yan ulit manghihina ka at kailangan mong magpahinga ng maraming oras," sagot ng matandang lalaki. "Pwede lang kaming kumuha ng dugo mula sa inyo pagkatapos ng anim (6) na buwan, 'yun ang batas kahit sa pagdo-donate ng dugo," dagdag niya. "Ohh nooo! Grabe!" Sigaw ng mga taong gumaling at tinakpan ang kanilang mga mukha. May isang taong gumaling ang lumakad at nag-alok ng tulong niya. "Ako si Kim, isa ako sa mga scientist na sinusubukang alamin ang gamot. Pero dahil sa sobrang excitement, lumabas ako sa bahay namin at dinala ko 'yung balita sa kompanya ko na sobrang napatunayan 'yung teorya ko tungkol sa mga sample ng dugo. Sa sandaling 'yun, may kumagat sa akin mula sa likod nung papasok na ako sa laboratory namin para kumuha ng sample ng dugo tapos naging zombie rin ako," sabi ni Kim. "Anong teorya ang napatunayan mo na makakatulong sa atin?" tanong ng matandang lalaki sa kanya. "Idol ko po kayo, Sir. Karangalan po na matulungan kayo at gamitin 'yung napatunayan kong teorya tungkol sa mga sample ng dugo," sagot niya. "Pakitulong po ako at mag-suggest ng isang bagay na makakatulong sa inyo na lutasin ang problema," pakiusap ni Kim. "Kung ganon, sabihin mo sa akin kung ano 'yun? Para masimulan na nating gamitin," pinayagan siya ng matandang lalaki na tumulong. "Salamat po sa pagtitiwala sa akin Sir. Ito po 'yung natuklasan ko. Kung tayo ay gumaling may posibilidad na mayroon na tayong antibodies na kailangan para sa gamot," dagdag niya. "Dapat natin subukan 'yun, Sir." "May punto ka, gwapong scientist, subukan natin," sagot ng matandang lalaki. "Sa tingin ko, habang ginagawa niyo 'yan. Dapat pumunta kami ni Hannah sa pinakamalaking kwarto dito sa lab para dalhin sa kanila ang gamot," sabi ni Adam. "Tara na Hannah," hinawakan niya ang kamay ni Hannah at naglakad silang magkasama. Nagsimulang gumawa ng mga bote ng gamot ang mga scientist mula sa dugo ng mga taong gumaling. Sa kabilang banda, ginawa nina Adam at Hannah ang parehong stratehiya para gamutin ang mga taong may sakit sa loob ng kwarto. Matagumpay nilang ginamot ang 76 na tao mula sa pinakamalaking kwarto. Tahimik nilang tinulungan ang mga taong gumaling na lumabas sa kwarto para hindi na sila mahawaan ulit. Pumunta silang lahat sa experiment room pero mukhang walang sapat na espasyo ang kwarto para sa mahigit isang daang tao. Nagdesisyon ang mga taong gumaling na hatiin ang kanilang sarili sa dalawang grupo. Ang Team A ay mananatili sa experiment room at ang Team B ay mananatili sa kwarto na katapat ng experiment room. Para maging ligtas, hiniling nila kina Hannah at Adam na i-lock ang dalawang kwarto para walang makapasok sa mga kwarto. Kapag mas maraming tao ang gumaling mas maraming tsansa na makakuha ng antibodies mula sa kanila. Ginawa nilang lahat kung ano ang nasa plano. Pero ang problema ay... Batay sa lab test, ang mga sample ng dugo ng mga taong gumaling ay hindi kayang labanan ang mga virus. Ang tanging paraan para mailigtas ang mga taong may sakit ay ang blood plasma nina Adam at Hannah. Ang kailangan nilang malaman ay, ilan ang taong may sakit? Mayroon bang mga taong katulad nila na makakatulong sa kanila na iligtas ang bayan? Pagkatapos ng huling 76 na taong gumaling, sumailalim sila sa lab test. Nakakalungkot, wala ni isa sa kanila ang may blood plasma na kayang labanan ang virus. Wala silang pagpipilian. Nagsimulang mag-alala sina Hannah at Adam sa problema at tinanong nila ang kanilang sarili kung kaya nilang iligtas ang lahat ng tao sa bayan. Mahirap para sa kanila na pumili kung sino ang gusto nilang bumalik sa normal, siyempre gusto nilang gumaling silang lahat pero paano? "Kung kaya nating iligtas ang maraming tao araw-araw, bakit hindi natin isakripisyo ang lakas natin. Maraming tao na kayang gawin ang trabaho natin na magturok ng gamot," sabi ni Hannah. "So, sinasabi mo sa akin na, mananatili lang tayo sa experiment room at ibang tao na ang gagawa ng pagtuturok?" Tanong ni Adam. "Kailangan niyo pareho na manatili dito para magkaroon ng lakas pagkatapos makuha ang inyong blood plasma. Sigurado kung gagawin natin 'yan araw-araw, pareho kayong manghihina," sabi ng matandang lalaki. "Tama si Hannah Adam; kailangan niyo parehong magpahinga. Sa katunayan, maraming taong gumaling ngayon na kayang magturok," dagdag ni Andre. "Sa tingin ko hindi, tayong dalawa lang ang makakagawa niyan, wala silang antibodies na kayang lumaban, paano kung ang mga taong may sakit ay kagatin nila? Babalik silang maging zombie ulit at ang siklo ay gagawin ang pareho, ang kasaysayan ay uulit ulit hanggang wala ng maiwan na normal na tao," paliwanag ni Adam. "Hindi katulad natin, kahit kagatin tayo nila, kaya nating gamutin ang ating sarili mula sa kanilang mga kagat," dagdag niya. "Sa tingin ko tama si Adam. Ang kailangan nating gawin ay isakripisyo ang ating lakas para lang mailigtas sila. Kung hindi natin gagawin 'yan, matatali tayo dito," sumang-ayon si Hannah. "Pero isang bagay ang sigurado, lahat ng zombie sa loob ng lab ay gumaling na. Ang problema ay, 'yung mga zombie sa labas," dagdag niya. "Sa ngayon, ang kailangan niyo ay, magtiwala sa amin," sabi ni Adam. "Mahalaga ang buhay ng bawat tao, gusto nating lahat na mabuhay at bumalik sa normal nating buhay. Magtulungan na lang tayo," dagdag niya. "Sa tingin ko walang maraming taong may sakit sa bayan. Baka kakaunti lang sila, kung nanood ang mga tao ng balita noong nagsimula ang virus, mas gugustuhin nilang manatili sa kanilang bahay at siguraduhin ang kaligtasan ng kanilang pamilya," sabi ni Kim. "Sa tingin ko tama si Kim! Kung ganon, dapat nating alamin, ilan ang tao dito sa bayan na ligtas pa," sambit ni Andre.