Kabanata 34: ANG KASAYSAYAN NG INFINITY SIGN

"Mukhang ang saya-saya mo nung kinukwento mo sa amin yung mga best friends mo ah. Pero sigurado ka bang kilalang-kilala mo talaga sila?" tanong ni Hannah sa kanya. "Lagi silang tumatambay sa bahay ko, sabay kami natutulog sa kama ko. Tapos, paggising namin sa umaga, wala na sa kama, hindi namin napapansin na nagbagsakan kaming lahat sa sahig at dun natulog buong gabi. Hanggang sa, ipinakilala sa amin ni Mr. Jones si Ms. Franchesca Thames bilang kaibigan niya. Wala kaming girlfriend simula nun, kasi gusto naming mag-focus sa pag-aaral namin, kaming dalawa ni Atty. Nicdao kumuha ng Law course samantalang si Mr. Jones naman Business Management. Hindi naman ganun ka-close sa amin si Mr. Jones dati, naging magbe-best friends lang kaming tatlo nung nakagraduate na kami. Naaalala ko pa nung dumating si Ms. Franchesca Thames sa buhay namin. Siya yung nag-iisang bulaklak sa gitna ng mga tinik. Lahat kami may crush sa kanya kasi maganda siya sa loob at labas. Nanligaw ako una, tapos ginawa rin ni Mr. Jones, si Atty. Nicdao lang ang hindi nanligaw sa kanya. Sabi niya, may crush siya pero hindi niya gusto si Franchesca, hinahangaan niya lang yung babae at hindi niya gusto maging girlfriend. Nagpatuloy kami sa panliligaw kay Franchesca, hanggang sa nagdesisyon ang papa niya na isama siya sa New York kasama ang mga kamag-anak niya dun para sa pag-aaral niya ng Chemistry. Hindi naman mayaman yung pamilya Thames, nasa middle class lang. Gusto ni Franchesca na ma-proud sa kanya ang mga magulang niya kaya, umalis siya ng bansa at tumira sa New York ng 5 taon. Sa mga taon na wala si Franchesca sa buhay namin, naging busy ako sa mga taon na yun pero si Atty. Nicdao yung pinaka-busy sa aming tatlo. Super busy siya kasi hindi na siya pumupunta sa bahay ko ng ilang taon, sinabi niya sa akin na baka matagal pa siyang hindi makapunta kasi na-assign siya sa mga mahirap na kaso pero nangako siya na magko-contact siya palagi para hindi kami mag-alala sa kanya habang wala siya sa tabi namin. Si Mr. Jones naman, busy rin sa negosyo ng pamilya nila kasi siya yung ginawang CEO ng kompanya ng papa niya. Nung bumalik si Franchesca, napansin ko yung sobrang saya ni Mr. Jones nung nakita niya ulit si Franchesca. Hindi ko pa nakita si Mr. Jones na ganun kasaya hanggang sa bumalik si Franchesca. Pinakawalan ko yung nararamdaman ko sa babaeng mahal ko para sa pagkakaibigan. Kaya, sinabi ko kay Franchesca na, hindi ko na siya gusto, maraming nangyari sa limang taon, nawala na yung feelings ko sa kanya kahit gusto ko siya pero hindi na hanggang sa naging girlfriend siya ni Mr. Jones. Tinanggap ko na, na hindi talaga ako gusto ni Ms. Franchesca kahit nung una pa. Tapos, na-realize ko na tama pala yung kutob ko dati. Mas gusto niya si Mr. Jones kaysa sa akin. Yung relasyon nila ni Mr. Jones tumagal ng 2 taon tapos nagpakasal sila. Sobrang saya ko para sa kanilang dalawa at nagkatagpo sila sa isa't isa. Sa kasal nila, ako yung best man ni Mr. Jones pero si Atty. Nicdao hindi nakapunta sa kasal kasi sinabi niya sa amin na may hearing yung kliyente niya, pupunta siya dun as soon as possible. Nagpunta lang siya sa reception pero hindi siya umabot sa seremonya ng kasal," detalyado niyang kinuwento ang lahat. Nagtinginan ulit sina Adam at Hannah, ang natira sa isip nila ay puro question marks. Kung pare-pareho silang may infinity tattoo sa pulso, sino sa kanila ang totoong killer? Naguluhan na naman sila. Pero para maiwasan na maguluhan yung isip niya, tinanong ni Adam yung abogado, "Kung niligawan mo si Ms. Franchesca, pag pumunta tayo sa bahay ng mga magulang niya, bakit hindi ka nila naaalala?" "Hindi alam ng mga magulang niya yun, hindi ako nakapunta sa bahay nila kasi natatakot ako na baka i-judge nila ako. Si Mr. Jones lang yung nagpakita dun sa kanila. Mahal ko siya pero hindi siya ang priority ko kaya nag-focus ako sa career ko bilang abogado at nagpatuloy sa pag-unlad ko. Nakita ko kung gaano kamahal ni Mr. Jones si Franchesca kaya, pinabayaan ko na siya," sabi niya na nakangiti at walang pagsisisi. "At tama ako! Nagkaroon sila ng masayang pagsasama at malapit na maging mommy at daddy kung buhay pa si Franchesca ngayon pero nakakalungkot na namatay siya at iniwan niyang mag-isa si Mr. Jones. Kaya gusto kong malaman kung sino yung pumatay sa kanya at sa anak niya. Gusto kong tulungan yung best friend ko na si Mr. Jones, pareho kaming nasa mahirap na sitwasyon ngayon ni Atty. Nicdao. Lumalaban siya para kay Franchesca at lumalaban ako para kay Mr. Jones. Lumalaban kami para sa mga kaibigan namin," yumuko siya at sinuntok ng bahagya yung mesa. Tumingin ulit si Adam sa mga litrato, may napansin siyang kakaiba sa mga litrato. Pero bago pa niya sabihin yun. Pinaalalahanan sila ni Vhiann na naghihintay na yung pagkain. Pag-usapan na lang daw nila yung mga bagay-bagay pagkatapos kumain ng niluto niyang lunch. Pagkatapos kumain, tumingin ulit si Adam sa mga litrato habang naglalakad papunta sa sala at umupo siya sa sofa habang nagtutulungan sina Hannah at Vhiann sa paglilinis ng mesa at paghuhugas ng mga pinagkainan. Gayunpaman, sinundan ni Atty. Galiego si Adam at umupo sa tabi niya. "Hoy Adam! Gulong-gulo ba yung isip mo sa kwentong sinabi ko kanina?" tanong ng abogado. "Kung oo, sasabihin ko na! Huwag mo akong isipin na isa sa mga suspect mo," dagdag niya. "Defensive?" Nagtagpo yung kilay ni Adam. "Alam kong hindi ikaw yun." Tumayo siya at pumunta kay Hannah. Hinawakan niya ang kamay ni Hannah at hinila niya palabas ng bahay. "Hoy! Anong problema mo?" tanong ni Hannah at tinulak siya at malungkot na yumuko si Adam. Pagkatapos ng isang minuto, sinabi ni Hannah, "Sorry babe, nagulat lang ako sa ginawa mo" Hinawakan niya ang mukha ni Adam at ngumiti siya, niyakap niya ng mahigpit yung babae. Nakita sila ni Vhiann at Atty. Galiego mula sa bintana ng second floor, nagmadali silang umakyat para makita kung ano ang ginagawa nila sa labas. Tinanggap ni Hannah yung yakap niya sa pagyakap din sa kanya at nagtanong, "Okay ka lang ba? Bakit ka nag-aasta ng kakaiba bigla babe? May problema ba?" "Oo, okay lang ako. Ganito tayo mag-usap. May nalaman ako, pero hindi ako nagtitiwala kay Atty. Galiego sa bagay na 'to," sabi niya. "Anong ibig mong sabihin na hindi ka nagtitiwala sa kanya?" tanong ni Hannah sa kanya. "Sinabi niya sa atin na tatlo silang may infinity tattoo. Si Mr. Jones may tattoo sa kaliwang kamay niya at nakita natin ng malinaw. Si Atty. Galiego may tattoo din sa kaliwang kamay niya. Nagduda ako na yung tattoo ng best friend nilang si Atty. Nicdao ay nasa kanang kamay niya. Hindi ba nakita natin silang nag-uusap sa coffee shop kung saan nagdesisyon silang maghiwalay at kanya-kanya na lang ng trabaho, yung paghawak nila sa mga kaso?" sinubukan ni Adam na maalala ang bawat detalye. "Oo nga. Naalala ko yun. Anong nalaman mo dun? Pwede bang mag-usap na lang tayo na hindi nag-yayakapan?" tanong niya nang hindi inaasahan. "Sa tingin ko mas maganda kung ganun," tinanggal niya yung mga kamay niya sa pagyakap kay Adam. Pero kinuha ni Adam ang mga kamay niya at ibinalik ulit at gumawa siya ng ibang paraan para ipakita yung dalawa na nag-uusap lang sila tungkol sa nararamdaman nila sa isa't isa na hindi nila alam na pinag-uusapan nila yung nalaman ni Adam. "Please let me do this, trust me. Makakatulong sa atin yung ganitong posisyon para mas maayos nating mapag-usapan yung nalaman ko, hindi sila maghihinala na may pinag-uusapan tayo na may kinalaman sa kasong nilulutas natin." "Ang galing mo talaga babe, proud na proud ako sa'yo. Tama ka, hindi sila maghihinala sa ganitong paraan ng pag-uusap. Sigurado akong pinapanood na tayo nila ngayon," sambit ni Hannah sa matamis na boses malapit sa tenga ni Adam. "So, anong tungkol kay Atty. Nicdao at Atty. Galiego sa coffee shop?" Tanong niya ulit. "Yung silver watch niya nakatali sa kanang kamay niya, hindi ko napansin yung infinity tattoo sa kaliwang kamay niya nung nag-shake hands sila. Si Atty. Galiego ay kaliwete, siya yung unang nag-offer ng shake hands. Kinuha niya yung kaliwang kamay niya at binigay ni Atty. Nicdao yung kaliwang kamay din niya for sure kasi hindi naman bagay kung kanang kamay yung ibibigay niya," paliwanag niya pa. "So, ano yung conclusion mo tungkol sa kanya? Wala na siya sa mga suspect? I mean, wala na sa krimen si Atty. Nicdao? So, ang ibig mong sabihin ang totoong killer ay sa pagitan lang nina Atty. Galiego at Mr. Jones? Tama ba ako?" tanong ni Hannah na naguguluhan.