Kabanata 52: PAG-APRUBA NG MGA MAGULANG

“Alam mo Hannah, tagal ko nang hinintay na makasama ka ulit, na makasama yung mahal ko. Nakikita yung ngiti sa mukha mo, naririnig yung tawa mo, nahahawakan yung kamay mo at nararamdaman kung gaano ka kasaya ngayon kasama ako,” tumulo yung luha niya. Hinawakan niya yung kamay ni Hannah at nilagay sa dibdib niya at sinabi, “Nararamdaman mo ba kung paano tumibok yung puso ko? Sinasabi nito yung pangalan mo, ‘Hannah’." Pinikit ni Hannah yung mga mata niya at nakinig siya. “Kasing bilis ng tibok ng puso mo yung tibok din ng puso ko kapag kasama kita,” tumingala siya at ngumiti kay Adam. “Tama ba ako?” Kinurot niya yung ilong ni Adam at sinabi, “Alam ko na! Nararamdaman ko.” Humanong biglang tumigil si Hannah nung sinabi ni Adam, “Mahal kita Hannah.” Narinig ni Harold at Innah yung sinabi ni Adam nung kararating lang nila. Nagkatinginan sila at umalis sila ng palihim para hindi malaman ng dalawa na nandun sila sa kwarto. “Ang ganda mo talaga Hannah, crush na kita simula nung nahuli mo yung atensyon ko nung sumasayaw ka bilang cheerleader. Ngayon na gising ka na, gusto kong mas makilala ka pa,” sabi ni Adam habang tumutulo yung luha sa mukha niya. Pinunasan ni Hannah yung luha niya at bumulong, “Wag ka nang umiyak, gwapong lalaki. Tinatanggap ko yung alok mo; gusto din kitang mas makilala.” “So, magda-date tayo?” Tumalon si Adam dahil sa tuwa. “Seryoso ka?” Ngumiti siya at sumigaw. “Uuhhhhhhhhhh! Magda-date tayo! YEEEEEEEESSSSSS!” “Ssssshhhhhhhh!” Hinawakan ni Hannah yung kamay ni Adam at hiniling niya na umupo na. Pero tuloy pa rin si Adam sa ginagawa niya. Masayang-masaya siya, sobrang saya! Habang nagtatago sina Harold at Innah, aksidenteng natamaan ni Innah yung tiyan ni Harold. Nag-react si Harold, “Ooohhh! Aray!” Tinakpan ni Innah yung bibig ni Harold. “Uy Adam! Narinig mo ba yung ingay na yun? Tara na! Tingnan natin kung ano yung ingay na yun.” Inilagay ni Adam yung braso niya sa balikat ni Hannah at dahan-dahan silang naglakad papunta sa kinalalagyan nina Harold at Innah. Nakita nila sina Harold at Innah na nagtatago, “Ooohhhh!” “Nahuli kayo sa akto. At bakit kayo nagtatago diyan? Nakikinig ba kayo sa amin, Nay? Tay?” tanong ni Hannah. Tumango si Harold at Innah. Niyakap sila ni Adam at sinabi, “Salamat po Tito, Tita, dahil pinayagan niyo akong ipakita yung pagmamahal ko sa inyo at sa anak niyo. Malaki po ang ibig sabihin nito sa akin.” Tinignan sila ni Hannah, inikot yung mata niya at bumulong, “Hmmmmm... Anak na ba nila si Adam?” tapos ngumiti siya. “Kailan pa? Well, siguro mas kilala nila si Adam kaysa sa pagkakakilala ko sa kanya ngayon. Lima (5) taon na silang magkasama, siguro, nakuha ni Adam yung tiwala nila kaya tinuturing na nila siyang parang sarili nilang anak ngayon at sulit naman yung paghihintay ni Adam. Matagal na siyang naghihintay at yung pagmamahal niya sa akin hindi nawawala kahit nakahiga ako sa kama ko sa ospital.” Narinig ni Harold at Innah yung sinabi niya. Yinakap din nila si Hannah at sinabi, “Masaya kaming dalawa para sa iyo, honey!” “So, magda-date kayo simula bukas?” tanong ni Harold sa kanila at ngumiti. Nagkatinginan sina Hannah at Adam at sinabi, “Kung okay lang sa inyo?” “Mas importante po yung pag-apruba niyo, Tito, Tita, bilang tanda ng paggalang, kayo po yung magdedesisyon dahil kayo po yung magulang ng babaeng ninakaw yung puso ko,” dagdag ni Adam na may ngiti sa mukha na nagpakita ng kanyang dimples. Tinapik ni Harold yung balikat ni Adam ng tatlong beses; “Palagi kong sinasabi sayo ito simula nung araw na ginugol ng anak ko yung 5 taon niyang buhay sa kwartong ito. Uulitin ko ulit, Alagaan mo yung anak namin. Ipinagkatiwala namin siya sayo. Wag mo siyang sasaktan, wag mo siyang paiiyakin, palagi mo siyang pasayahin.” Dagdag niya at binigyan si Adam ng man hug. “Gustong-gusto talaga ng Papa mo si Adam para sayo, honey,” hinawakan niya yung dalawang kamay ni Hannah at hiniling, “Wag mo rin sasaktan si Adam, ha? Karapat-dapat siyang mahalin ng isang taong mahal niya.” Tinawag niya si Adam at ibinigay sa kanya yung kamay ng anak niya. Hinawakan ni Adam yung kamay ni Hannah at nangako siya sa kanya sa pagsasabi, “Nangako ako na mamahalin kita ng buong puso ko, kahit anong mangyari palagi akong nasa tabi mo. Aaalagaan kita at susuportahan sa lahat ng gagawin mo.” “Adam, salamat sa pag-aalaga kay Mama at Papa ko. Salamat sa pagtulong sa kanila sa pag-aalaga sa akin,” nagpasalamat si Hannah ng tapat. “Uy! Tapusin na natin yung drama na ito. Adam pwede ka nang umuwi ngayon, gabi na. Magpapahinga na si Hannah. Bukas siya ididischarge. Pwede mo siyang bisitahin sa bahay namin pagkatapos ng mga klase mo,” sabi ni Innah. “Innah, ihahatid ko na siya sa bahay nila. Gabi na. Okay lang ba sayo?” tanong ni Harold sa asawa niya. “Oo naman. Wag ka magmamaneho ng mabilis mahal, ha. Alagaan mo si Adam,” hiling ni Innah. “Adam, ulit, maraming salamat,” ngumiti siya. Tinignan niya si Hannah at sinabi, “Ohh honey, aalis na si Adam.” Tumango si Hannah at sinabi, “Uy! Bisitahin mo ako bukas, ha. Hihintayin kita sa bahay namin.” “Hindi na ako makapaghintay bukas, siyempre bibisitahin kita, Hannah,” ngumiti siya at kumaway ng kaunti. Hinalikan siya ni Hannah sa pisngi at ngumiti. “Uy! Pinahalikan mo ba ako?” Nagtagpo yung kilay niya. Tinakpan niya yung mukha niya para hindi makita ni Hannah na namumula siya at kinurot niya yung pisngi ni Hannah tapos ginulo niya yung buhok nito. “Uggghh!” Nag-react si Hannah, “At ano sa tingin mo yung ginagawa mo? Bakit mo tinatakpan yung mukha mo?” Inamoy niya yung hininga niya. “Ohhhh wala,” Tinakpan ni Adam yung mukha niya habang naglalakad paalis at hanggang sa umalis na sila sa kwarto. Inihatid ni Harold si Adam sa bahay ng ligtas at bumalik siya sa ospital. Pumasok si Harold sa kwarto at nakita niya yung asawa niya at anak na natutulog. Tinignan niya sila at hinalikan niya silang dalawa sa noo. Natulog ang mga magulang ni Hannah kasama niya hanggang sa... Umaga na umulan ang gumising sa kanila. Si Hannah sa wakas ay idinischarge na sa ospital. Pumunta sila sa bahay, nagulat siya nung pumasok siya sa main door ng bahay nila. Andun si Adam! Naka-decorate yung bahay para batiin si Hannah! Hawak niya yung banner at isang bouquet ng bulaklak. Pumaiyak si Hannah dahil sa kaligayahan. Tinanggap niya yung bouquet ng bulaklak at inamoy ito. “Salamat, babe, nagulat ako.” Namula si Adam, “Ohhh anong tawag mo sa akin? Babe?”