Kabanata 21

Natigilan ako at sinamaan siya ng tingin. "Hindi ko gets. Bakit kailangan ko pang sumama?" Humarap siya sa akin at nagbigay ng nakakalokong ngiti. "Kasi girlfriend kita, diba?" "Ay oo nga pala." Napabuntong-hininga ako. Sa totoo lang, nakalimutan ko yung detalye na yun. Huminga ako ng malalim at nag-bulong. "Ayoko nito." Akala ko hindi ako narinig ni Tyler hanggang sa ngumiti siya sa akin. "Alam ko naman, kaya nga masaya eh." Inikot ko yung mata ko sa kanya. "Sumakay ka na sa kotse at tapusin na natin 'to." "Sige, pagkatapos ko 'to gawin." Kakasabi niya nun, humarap siya sa akin at lumapit. Pagkarating niya kung nasaan ako, inakbayan niya ako. Nanlaki yung mata ko sa gulat. "Ano ba-?" Bago ko pa matapos yung sasabihin ko, hinila ako ni Tyler palapit at hinalikan ako. Nawala lahat ng iniisip ko habang hinalikan niya ako. Muli, nabihag ako ng mga halik niya at nawalan ng matinong pag-iisip; humalik ako pabalik sa kanya. Ang halik ay matamis at puno ng pagmamahal at nakakawala ng hininga. Lahat ng iba sa paligid ko ay nawala at ang tanging focus ko lang ay yung labi niya sa labi ko. Sa wakas, parang ang tagal, humiwalay siya. Tumingala ako sa kanya at nag-clear ng lalamunan, sinusubukang ayusin yung sarili ko. "Para saan yun?" Isang nakakalokong ngiti ang lumitaw sa labi niya. "Nagpapakita lang sa ex mo." Medyo natagalan bago nag-register sa utak ko yung sinasabi niya. Sa wakas, nag-function ulit yung utak ko at nanlaki yung mata ko sa realization. Hindi ko alam na nasa likod pa rin namin si Logan. Ngayon, nagkaintindihan na ang lahat. "Mukhang hindi niya nagustuhan yung season finale." Hindi ako naglakas-loob na tumingin sa likod ko, pero naiisip ko na hindi niya nagustuhan. Isang malapad na ngiti ang kumalat sa mukha ko habang iniisip ko yung itsura niya. "Genius." "Alam ko." Sagot ni Tyler. Inikot ko yung mata ko sa kanya at nilagay yung kamay ko sa dibdib niya para itulak siya palayo. "Sumakay ka na sa kotse, Tyler. Sana kasya yung ego mo." Tumawa si Tyler habang naglakad ako papunta sa passenger side ng kotse at sumakay. Sa buong biyahe, hindi ko mapigilan yung utak ko na bumalik dun sa halikan sa parking lot. Ayoko na iniisip ko yun, kasi hindi ko pwedeng hayaan si Tyler na ma-pektohan ako katulad ng ginagawa niya sa ibang babae sa school namin. Bukod pa dun, halik lang yun para pagselosin si Logan. Mas mabilis kong itigil yung pag-iisip dun, mas mabuti. Gosh, pinagsisihan ko talaga yung pag-oo ko sa deal na 'to. Pagkalipas ng limang minuto, pinark ni Tyler yung kotse niya sa harap ng cafe. Matagal na rin nung huli akong pumunta dito. Yung huling punta ko dito, nakipagkasundo ako sa pinaka-obnoxious na lalaki na nakilala ko. Lumabas kami ni Tyler ng kotse at pumasok sa coffee shop. Pagkapasok namin, nakita ko na maraming estudyante. Mga estudyante mula sa school namin at sa kalapit na school. Nagulat ako na maraming tao, kasi Martes ng hapon lang. "Yow, Tyler! Dito!" Narinig kong sigaw ng isang tao. Lumingon ako kung saan nanggaling yung boses at nakita ko yung isang table sa sulok ng cafe, puno ng ilang lalaki sa football team ng school namin. Nandun din si Seth at ilang lalaki na hindi naman sa team. Ilang babae rin ang nandoon. Naglakad si Tyler papunta sa kanila at sumunod ako. Nung nakarating kami sa table nila, nakipag-fist bump si Tyler sa mga lalaki. Hindi ko mapigilang hindi ma-conscious na nakatayo dun. Yung isa sa mga lalaki ay tumingin sa akin. "So, ito yung girl mo. Buti na lang dinala mo siya." Kailangan kong pigilan yung sarili ko na inikot yung mata ko sa 'girl mo'. Si Tyler, nag-eenjoy naman. Lumingon siya sa akin at ngumiti. "Oo. Emily, ito si Ryan." Tinuro niya yung lalaki na nagsalita, bago ipakilala yung iba. Alam ko na naman yung karamihan sa kanila dahil sa chismis. Umupo si Tyler sa dulo ng upuan. Naging blanko yung mukha ko dahil narealize ko na huling space na lang yun sa upuan. Hindi pa ako nakakapagdesisyon kung saan uupo, hinawakan ni Tyler yung kamay ko at hinila ako para umupo sa lap niya. Nagulat ako sa ginawa niya, pero kailangan kong pigilan yung protesta ko. Ayokong magmukhang kahina-hinala. Sumunod na lang ako, humarap ako kay Tyler at nagbigay ng mapait na ngiti. Pero, sa likod ng ngiting yun, sinasamaan ko siya ng tingin at alam niya yun. Lumingon ako sa iba at nakisali sa usapan nila, habang sinisikap ko na hindi gumalaw sa lap ni Tyler. ++++++ Nagtagal kami sa coffee shop ng isang oras, bago nagdesisyon ang lahat na umalis. Puro kwentuhan lang ginawa nila at nakinig lang ako. Ang tanging oras na nakasali ako sa usapan ay nung tinanong ako ng diretso. Natuwa ako nung nagdesisyon silang umalis, kasi nakakabagot sila sa mga kwentuhan nilang panlalaki. Umalis na lahat at kaming dalawa na lang ni Tyler yung natira. Lumabas si Tyler para maghintay sa akin, habang pumunta ako sa restroom. Paglabas ko ng restroom at paglakad ko mula sa coffee shop, nakita ko si Tyler na nakasandal sa kotse niya, nakikipag-halikan sa isang babae. Umiling ako habang naglalakad papalapit sa kanya. Baliw na ba siya? May idea ba siya kung ano yung pwedeng maging resulta ng kalokohan niya? Pagkarating ko sa harap niya, nag-clear ako ng lalamunan. Biglang lumayo siya dun sa babae at humarap silang dalawa sa akin. Yung babae hindi man lang nahiya, tinignan lang niya ako, inis na naistorbo ko yung make-out session niya. Desperate much? Tumahimik ako habang nakahawak sa aking braso.