Kabanata 46

Galing sa PUSO NI ATE Maghahanda na sana ako para lumabas at bumili ng mga pagkain kasi Sabado ngayon. Nakita ko 'yung mga libro ko na tinitignan ko kagabi sa mesa, niligpit ko 'yon at nilagay sa isang gilid ng mesa nang maayos. Pinuproseso ko pa rin 'yung pag-apply ko sa part-time na eskwelahan pero karamihan ng mga school ay bakasyon noon at pinaghintay ako hanggang sa pasukan bago ako magsimula. Nakapagsulat na ako ng dalawa nilang exam na hindi naman talaga ako handa kaya hindi ako nakakuha ng mataas na marka pero nakakuha ako ng credit sa isa sa mga exam na hindi naman masama pero swerte lang talaga na nakakuha ako ng credit. Natakot ako na bagsak ako pero buti na lang hindi lang ako pumasa, nakakuha pa ako ng credit. 'Yung pangalawa naman ay pasado, sabi nila kailangan kong ulitin 'pag pasukan na. Nakakuha na ako ng form ng school, pinunan ko 'yung mga kaya kong punan at ipinasa bago matapos ang semester. 'Pag pasukan na, malalaman ko na kung ano ang magiging kapalaran ko. May dalawa pa akong exam bago ako matanggap. May nagsabi sa akin na kung may pera ka, mas mapapabilis ang pag-apply mo at makakapasok ka agad sa school. Pero wala akong ganung pera para manuhol ng kahit sino para lang makapasok sa school. Mas gusto ko pang dumaan sa tamang proseso para maiwasan ang isa pang sakuna sa hinaharap. Uulitin ko 'yung exam ko, susulat ako ng kahit anong i-bigay nila. Kung bagsak ako, uulitin ko hanggang sa matanggap ako. Pinaintindi sa akin ng buhay na kapag ginagawa mo ang mga bagay sa tamang paraan ay may katumbas at mapapanatag din ang konsensya mo. Nag-iipon ako para sa school at meron na akong ilang libro na may kinalaman sa kurso na gusto kong kunin na batas pero sabi ng school hindi nila kaya 'yon, kailangan kong mamili sa sociology o political science. Ayoko talaga ng kahit ano maliban sa batas pero dahil desperada na akong makapasok sa school, nag-decide ako na kunin ang sociology. Sabi nila medyo related daw ang bagong kurso ko sa batas, parang sinusubukan nila akong i-compensate. Naiintindihan ko naman 'yon. Gusto ko sanang mag-aral ng batas, para maging abogado, hindi 'yung may kinalaman lang sa batas. Pero wala akong choice kaya kinuha ko 'yung second choice ko. At 'yung unang exam ay general questions pero 'yung pangalawa ay tungkol sa sociology, wala akong idea do'n. Pagkatapos kong pumasa, nag-decide akong bumili ng isang libro para mas maintindihan ko. Hindi pa ako masyadong nakakapag-aral. May oras pa ako dahil anim na linggo pa bago ang pasukan. Umaasa ako na sana hindi na maging ganun kahirap ang mga susunod na proseso ng pag-apply. Sobrang saya ko, umaasa at nag-e-expect na balang araw magiging graduate na ako. 'Yung hindi ko lang gusto ay 'yung part-time, mas matagal daw kaysa sa normal na oras ng pagtatapos, 'yon ang sabi sa akin at isa pa ay 'yung pagkuha ko ng ibang kurso na hindi 'yung gusto ko talagang kunin. Hindi pa ako estudyante kasi hindi pa ako natatanggap nang buo pero kung may magtatanong sa akin, ipapaalam ko sa kung sinuman na nagmamalasakit na estudyante ako. Estudyante ako at ang sarap sabihin. Magtatrabaho ako nang mabuti para maasikaso ang mga bayarin sa school para hindi ako ma-dropout at pati na rin ang mga bayarin sa bahay para hindi ako palayasin ng may-ari ng bahay at maging walang tahanan. Kaya mas seryoso ako sa buhay ko kaysa dati Hindi ko maitatanggi na kailangan ko ng kaunting tulong pero hindi ako aasa kanino man para maiwasan ang pagkabigo na pwedeng makasakit. Bukas na 'yung araw na lalabas na ako kasama si Dyeri. Mukha siyang mabait na lalaki, na magmamahal at mag-aalaga sa akin kung tatanggapin ko na manligaw siya. Nag-uusap na kami at nagiging close na kami. May nararamdaman ako para sa kanya at okay lang sa akin na pumasok sa seryosong relasyon sa kanya. Sabi niya mahal niya ako at ang gusto niya ay balang araw gawin akong kanya. Gusto ko talagang sigurado kung sino man ang makakasama ko sa isang relasyon, ayokong maulit pa ang malungkot na ending sa buhay ko. Si Filip, malinaw na naka-move on na sa kanyang Danyel, sumuko na ako sa pag-asang babalik pa siya. Magmo-move on na ako at magiging maingat ako sa kung sino man ang magiging lalaki ko. Hindi ko na kailangan ng isa pang Luis sa buhay ko, malungkot pa rin maalala lahat ng pinagdaanan ko kay Luis. Akala ko balang araw magkakaroon pa ako ng isa pang chance kay Filip pero malinaw na hindi na 'yon mangyayari. Naka-move on na siya matagal na bago ko pa man nalaman, kaya panahon na rin para ako naman ang mag-move on. Bukas ay magkakaroon ng malaking pagbabago, bukas ang araw na tatanggapin ko ang pakiusap ni Dyeri na maging girlfriend niya ako. Mabait siya at maalaga at 'yan ang dalawa sa mga importanteng katangian para sa akin. Kinuha ko 'yung maliit kong clutch handbag at shopping bag para ilagay 'yung mga bibilhin ko. Pinilit kong ipasok 'yon sa maliit kong hand bag na nakasabit sa balikat ko. Naka-ayos ako na parang mga estudyante sa unibersidad na nakikita ko na parang nagtagumpay na sa buhay. Ganon 'yung pakiramdam ko sa mga suot ko. Papunta na ako sa pinto nang may kumatok. Nagtataka ako kung sino ang kakatok, pwede kayang kapitbahay ko o sino talaga. Hindi ko maisip kung sino ang naghahanap sa akin dahil wala akong inaasahan. Naglakad ako papunta sa pinto at tinanong ko kung sino 'yon, masyado akong curious at walang oras para silipin 'yung butas sa pinto. Natulala ako agad pagbukas ko ng pinto at nakita ko kung sino talaga ang kakatok. Nakatayo siya at nakatingin sa akin na walang sinasabi. Nagulat ako, hindi ako makapagsalita. Siya 'yung huling taong inaasahan kong makikita sa pintuan ko ngayon.