Kabanata 11

"Bitawan mo ako!" "Bakit ka nandito?" Sabay nilang tanong. Kumuyom yung labi nung batang lalaki tapos dahan-dahang binitawan yung pulso ni Rhianne. Agad umatras si Rhianne para lumayo ng konti sa batang lalaki. Nung nakita niya yung pag-aalala sa mukha ni Rhianne, sumimangot yung batang lalaki. "Bakit ka nandito?" tanong ulit nung batang lalaki kay Rhianne. "Sino nagsabi sayo na pumunta ulit sa bahay namin?" Nakapunta na ba siya dito dati? Pwedeng mangyari yun kasi magkaibigan sila ni Francis at ni Doktor. Tsaka, wala siyang alam kung nakapunta na ba si Rhianne Cartel dito dati dahil kalalapag lang niya sa katawan na 'to. Pero yung batang lalaki, inatake ako sa puso! Sino nagsabi sa kanya na sumulpot nang walang ingay sa harap ko? Bigyan mo man lang ako ng babala kung lalapit ka sa akin. Nung nakita nung batang lalaki yung pagkagulat sa mukha ni Rhianne, akala niya nag-aarte lang na ayaw niya lumapit sa kanya. Katulad nung ibang bata, iniiwasan din siya nung batang babae na 'to. Paalis na sana siya nung biglang pinigilan siya nung batang babae. "Teka!" "...Ano?" Imbis na sagutin siya, lumakad si Rhianne papunta sa batang lalaki. Dahil mas matangkad siya ng konti, tumayo si Rhianne sa harap niya at tumingkayad para abutin yung nasa buhok niya. Natagalan bago nakareak yung batang lalaki dahil nagulat siya. Biglang napuno ng kulay kastanyas yung buhok niya yung paningin niya. Napansin na ni Rhianne yung sinulid na 'to nung una niya siyang nakita sa loob ng bahay. Yung maliwanag na kulay ng sinulid nakakairita sa mata niya. Buti na lang natanggal na niya. Tapos napansin niya na natigilan yung batang lalaki sa kinatatayuan niya. Tinignan niya yung mga mata niya, inobserbahan ni Rhianne yung ekspresyon ng batang lalaki. "Okay ka lang ba?" Biglang natauhan yung batang lalaki at tinulak si Rhianne palayo sa kanya. Hindi sinasadya, gumamit siya ng sobrang lakas kaya natumba si Rhianne. Nakita nung dalawa na sina Calvin at Francis nung nagdesisyon silang tingnan kung ano ginagawa ni Rhianne sa hardin. "Rhianne!" Agad tinulungan ni Francis si Rhianne na tumayo, tapos nakita niya yung malaking galos sa palad niya. Nakita niya yung taong naglakas loob na mang-bully sa kapatid niya, sinamaan ni Francis ng tingin yung may gawa. Nataranta yung batang lalaki at hindi alam kung ano uunahin. Kailangan ba niya mag-sorry muna o magtago sa likod ng kapatid niya? "Bakit mo tinulak si Rhianne?" tanong ni Calvin kay Tristan. "Hindi ko sinasadya!" Nagpa-panic na yung batang lalaki ngayon. Ginawa ng kapatid niya na para bang siya yung kontrabida kahit wala naman siyang ginawa kay Rhianne. Sasabihan na sana ni Francis ng masama yung batang lalaki nung pinigilan siya ni Rhianne. "Huwag mo siyang sisihin. Hindi naman niya kasalanan." sabi ni Rhianne bago tumingin sa batang lalaki. "Sorry kung hindi ka komportable." Kailangan tumayo na si Rhianne ngayon o lalong lalaki yung gulo. Tahimik niyang pinuna yung dalawa sa puso niya, lalo na si Calvin. Kahit seryoso yung itsura niya ngayon, hindi nagsisinungaling yung itsura sa mata niya. Naintindihan niya yung saya na nakukuha ni Calvin sa sitwasyon sa likod ng seryoso niyang mukha. 'May edad na 'to, pero parang bata pa rin.' Sinusubukan ni Calvin na hindi tumawa sa miserableng mukha ng kapatid niya. Sa totoo lang, nakita niya lahat mula sa umpisa. Alam niya na hindi tinangkang i-bully ni Tristan si Rhianne, gusto lang siyang asarin ni Calvin ng konti. Pinilit ni Francis si Calvin na gamutin agad yung sugat ng kapatid niya. Pumasok sa loob ng bahay, nagmamadaling tumakbo paakyat yung batang lalaki para magtago. Hindi siya pinansin ni Rhianne at mahinahong ipinakita yung palad niya kay Calvin. Nung nakita ni Calvin na nakatingin sa kanya si Rhianne na umaasa na gamutin yung sugat niya, napatawa siya sa saya. Pagkatapos gamutin ni Calvin yung sugat niya, nagdesisyon sina Francis at Rhianne na umuwi na. Ang pangunahing dahilan ay si Francis, na iniisip pa rin na binully ni Tristan yung kapatid niya. Sinubukan ni Calvin na ipagtanggol yung kapatid niya, pero hindi naniniwala si Francis. Sinubukan ni Rhianne na hanapin yung batang lalaki pero nagdesisyon na huwag na. Tsaka, hindi naman niya kamag-anak yung batang lalaki kahit kapatid siya ni Doktor. Nung umalis na yung magkapatid na Cartel sa bahay nila, binisita ni Calvin yung kwarto ng kapatid niya para makita siyang nakatingin sa bintana. "Ano? Gusto mo pa rin makita si Rhianne kahit iniiwasan mo siya?" Dalawang magkaibang kulay ng mata ang tumingin kay Calvin. Hindi niya pinansin yun at umupo sa kama niya. "Tristan, dapat mas mabait ka sa kanya." "Bakit ko gagawin yun?" sagot nung batang lalaki. "Hindi man lang ako binati. Ang bastos." "Kakagaling lang sa aksidente ni Rhianne ilang buwan na ang nakalipas. Huwag nang sabihin, nakalimutan niya yung mga alaala niya." "Ha? May amnesia siya?" tanong ni Tristan. "Totoo ba?!" Tumango si Calvin para sumagot. Hindi nakapagtataka na weird yung tingin niya sa kanya. Akala niya nagpapanggap lang siyang kawawa para makuha yung atensyon ng kapatid niya at ni Francis. Biglang napuno ng awa at guilty yung puso niya para sa batang babae.