Kabanata 45
Pabalik si Oliver sa bahay niya galing korte. Kagaya ng hinula ng Abogado, dumating na siya para makipag-hiwalay kay Arianna. Yung lalaki, yung itsura niya, 'Sabi ko sa'yo!'
Nakarating siya sa bahay nang makasalubong niya si Arianna at Rosie sa gate niya. Pinahinto niya agad yung kotse at bumaba.
Nakita siya ng dalawang babae at huminto rin. Si Arianna, na tumigil na sa pag-iyak, walang emosyon yung mukha, pero namamaga pa rin yung mata niya sa kakaiyak. Samantalang si Rosie naman, parang galit, agresibo at hostile yung itsura ng mukha, hindi na niya kailangang sabihin, gigil na gigil siya.
Nagmadaling lumapit si Oliver kay Arianna at hinarangan yung daan niya. "Anong ginagawa mo, Arianna, saan ka pupunta dala-dala yung mga bag at yung baby?" tanong niya na may takot sa mga mata niya habang palinga-linga.
"Ano bang tingin mo sa ginagawa niya? Aalis na siya sa bahay mo!" sagot ni Rosie para sa kaibigan niya.
"Rosie, pwede bang kausapin ko muna yung asawa ko, personal naming usapin 'to," sagot ni Oliver na sarkastiko.
Napatawa si Arianna, "Asawa mo? Uminom ka na naman ba, G. Gomez? Tapos na yung relasyon na 'yun ilang oras na ang nakalipas nung pinapirma mo ako sa mga papel na 'yan, o nakalimutan mo na?" sagot ni Arianna na sarkastiko.
"Makining ka, Arianna, hindi 'yan yung iniisip mo, pwede ko namang i-explain," sabi ni Oliver na nagmamakaawa. Hindi niya akalain na gagawa siya ng ganung hakbang agad.
"I-explain? Ano bang ie-explain mo, G. Gomez? Sige nga, bakit hindi mo i-explain yung sobre sa bulsa mo," sagot niya.
Tinignan ni Oliver yung bulsa niya at napansin yung sobre na may laman na opisyal na papeles ng diborsyo. Napabuntong hininga siya at tumingin kay Arianna. Sinubukan niyang hawakan yung mukha niya pero inalis ni Arianna yung kamay niya.
"Bigyan mo lang ako ng chance, Arianna, kailangan kong gawin 'to pero pwede pa rin nating ayusin," pagmamakaawa niya.
"Ayusin? Anong aayusin, G. Gomez? Hindi ba malinaw sa'yo? Tapos na yung relasyon natin, yung susunod mong asawa nandyan na, at kagaya ng lolo mo na nagpadiborsyo sa atin, magtatagumpay din siyang ipakasal kayong dalawa. Ayoko nang manatili dito at harapin ang ganitong kahihiyan," sabi niya at humihikbi, pinipigil yung pagtulo ng luha.
"Hindi, Arianna, makinig ka… mali yung iniisip mo sa nangyayari, kaya ko 'to, ipinapangako ko." Sabi niya.
Si Rosie, na naiinip na, napailing at palinga-linga habang kinakalabit yung mga daliri niya. Naiirita na siya sa boses pa lang nito.
"Talaga?" Napatawa ulit si Arianna. "Hindi, G. Gomez, wala kang kontrol sa kahit ano, ikaw pa nga yung dahilan kung bakit nabigo yung relasyon natin. Kung may tiwala ka sana sa atin gaya ng meron ako, hindi sana tayo magkakahiwalay ngayon. Isipin mo yung Anak na babae natin, sigurado ako na mas okay na hindi ka na lang niya kilala kaysa malaman niya na yung tatay niya, sumuko sa kanya ng ganun kadali."
"Anong ibig mong sabihin na ganun kadali? Arianna… Sa tingin mo ba madali 'to sa akin? Makinig ka, Arianna, mahal kita, mahal kita ng buong buhay ko at gagawin kong tama lahat."
"Hindi ako naniniwala, Oliver, tapos na, kaya tanggapin na lang natin na ganun, gusto mong maghiwalay tayo at yun yung ginagawa natin ngayon. Ibig kong sabihin, aasa ka bang magkasama pa tayo kahit tapos na yung diborsyo?" tanong ni Arianna at sa wakas, pinabayaan niyang tumulo yung matagal nang pinipigil na luha.
Gusto siyang yakapin ni Oliver pero natatakot siyang itulak siya nito; lalo na't hawak niya yung baby sa harapan.
"Arianna, humihingi ako ng tawad sa paglabag ko sa pangako ko pero hindi dapat ito yung katapusan natin, bigyan mo lang ako ng chance na ayusin yung mga bagay-bagay," pagmamakaawa niya.
Sinubukan ni Oliver na hawakan yung kamay niya pero hinawakan ni Rosie sa kalagitnaan at tinulak palayo. "Makinig ka, G. Oliver Gomez, alam mo kung gaano ako nasasaktan kapag umiiyak yung best friend ko, nagkaroon ka na ng chance na patunayan kung gaano ka ka-mapagmahal, maalaga at suportado na asawa. Sabi niya ayaw na niyang tumira sa bahay mo kaya hayaan mo na siya.
Binalaan na kita, G. Oliver Gomez, na kapag naglakas loob kang saktan yung kaibigan ko, hindi ko palalagpasin 'yan. Lumayo ka na sa daan namin, o isa sa atin ang mapupunta sa ospital ngayong gabi," pananakot ni Rosie.
"Hindi na kailangan pa nun, sis, sumama ka na sa akin, lisanin na natin ang lugar na 'to. Sige na, Oliver, pakasalan mo na si Nora at maging masaya ka na sa kanya, hinihiling ko sa inyo yung lahat ng swerte," sabi ni Arianna at dumaan sa kaliwang bahagi ni Oliver.
Pinagtawanan siya ni Rosie at sinundan yung best friend niya na dala yung mga bagahe.
"Arianna! Arianna please huwag kang umalis," pagmamakaawa ni Oliver, pero desidido na siya, wala nang balikan.
Nakatayo si Oliver sa lugar na 'yon at pinanood siyang umalis, dahan-dahang tumulo yung mga luha sa mata niya. Hindi pa siya naging ganito ka-emosyonal hanggang sa nakilala niya si Arianna, yung una niyang tunay na pag-ibig at tapos na ang lahat.
Nagtataka siya kung ito na ba talaga, ang katapusan ng love story nila. Halos isang taon pa lang ang lumipas simula nang magkakilala sila sa club na 'yon.
Kinumbinsi niya ang sarili niya na hindi ito ang katapusan, hahanapin niya yung asawa niya, hihilingin niya yung kapatawaran niya, papakasalan niya ulit siya. Kahit ano pa ang kailangan niyang gawin, basta't mapasakanya ulit yung pag-ibig ng buhay niya, gagawin niya.
Pero sa ngayon, kailangan na niya siyang palayain. Kailangan niya ng oras para mag-isa at pag-isipan ang mga bagay-bagay, para linisin yung isip niya, para malampasan yung sakit at kalungkutan. Bibigyan niya siya ng espasyo, marahil ng ilang araw para makarekober.
Dahan-dahan siyang naglakad papunta sa kotse niya at umiyak na parang bata. Mula sa kotse, nakita niya si Nora na nakatingin sa direksyon niya mula sa bintana, nakangiti siya. Sinumpa niya yung araw na pumasok siya sa bahay, pero halos siya rin ang may kasalanan.
Pagkatapos linisin yung mata niya sa luha, pinaharurot niya yung kotse papasok sa gusali. Nawala na niya yung asawa niya, at walang saysay ang sakripisyo niya kung may mangyari sa tatay niya.
Nagtagumpay na sa wakas si Lolo na mapalayo si Arianna at yung baby niya, para lang matupad yung pangako noong bata pa siya. Pero anong mangyayari pagkatapos?
Itutuloy!!