Kabanata Labimpito

Nagising ako sa malakas na hangin na nagtanggal ng kumot ko, napaupo ako nang diretso, lutang na lutang at takot sa una. Tiningnan ko yung bintana ko para malaman na nakabukas pala, medyo hilo ako nang bumangon ako sa kama ko para isara yung bukas na bintana. Hinila ko yung bintana para 'di ako lamigin, kinukusot ko yung mga mata ko, lilingon na sana ako para matulog ulit, nang may mapansin akong note na nakapatong sa bedside table ko. Lumapit ako para kunin yung note at basahin. "Sorry 'di ako nakapag-antay para gisingin ka, kailangan ko nang umuwi para ayusin yung mga bagay-bagay. Sobrang saya ko na nasabi ko sa 'yo kagabi, kita tayo ulit." "Cody x" Naalala ko agad yung nangyari kagabi, yung nakakainis na pulis na sumunod sa akin sa gubat, siya na kung paano nalaglag sa teritoryo ng mga lobo... 'di ko alam paano nangyari. Gumawa ako ng astig na harang tapos, dagdag mo pa na sinabi sa akin ni Cody na kami ay mates at nag-usap kami hanggang sa nakatulog ako. Isa 'yon sa pinakamagandang gabi ng buhay ko, kaya pala pagod na pagod ako. Binalik ko yung note sa bedside table bago ako nagtangkang bumalik sa kama, pero bumukas yung pinto ko at biglang sumulpot si Tatay. "Buti gising ka na, kailangan mong maghanda agad," sabi niya bago tumakbo palabas ng kwarto ko, napairap ako at bumagsak sa kama ko at nagtangkang matulog. "Aalis tayo in ten minutes," sigaw ni Tatay mula sa baba kaya napatalon ako, nag-groan ako at umupo ulit, bumangon sa kama para maghanda. Siguro magsisimula na yung araw ko. Nang nakabihis na ako, dahan-dahan akong bumaba sa hagdan at pumunta sa kusina, nakatayo sina Tatay, Justin, at Reece sa may counter at nag-uusap. Pumasok ako at umupo sa mesa, ipinatong ko yung ulo ko sa mesa, halos 'di ako nakatulog kagabi kaya wala ako sa mood na makipag-usap. "Ayos, gising na si Erika, tara na," sabi ni Tatay at lumabas ng kusina, napataas ang ulo ko at 'di makapaniwala nang nginitian lang ako ni Reece. "Anong nangyayari?" tanong ko habang hinawakan niya ang braso ko at inalalayan akong tumayo, sinabi niyang 'di niya alam bago kami sumunod kay Tatay at Justin palabas ng bahay. Nang makalabas kami, nakita ko na karamihan sa bayan ay nakatayo rin sa labas ng bahay nila, 'di ako nakakaalam ng kahit anong meeting ng bayan na meron kami at sigurado ako na sasabihin sa akin ni Tatay kapag nagising ako. Patuloy kaming sumunod kay Tatay habang ang isang pulis na may mega phone ay nagbigay ng mga instruction sa mga tao, mga kakaiba pang instruction 'yon. Sinabi niya sa lahat na isang miyembro mula sa bawat bahay ang dapat sumunod kay Tatay, habang ang iba ay mananatili sa bahay at naka-lock ang pinto at bintana. Maggigiyera ba kami? Pero kung magigiyera kami, 'di ako sigurado na isa ako sa mga mapipili, lalo na kung si Tatay yung gumagawa ng desisyon. Nagsimula na kaming pumasok sa gubat, teka may kinalaman ba 'to sa mga lobo? Pero ngayon alam ko na may kinalaman din 'to kay Cody, sana talaga walang balak si Tatay na makipag-away sa kanila, instinct ko na kampi ako kay Cody. Nasa harapan sina Justin at Tatay, nangunguna sa malaking grupo ng mga tao, wala sa amin ang may alam kung saan talaga kami pupunta. May mga nagtatanong sa akin kung may alam ako, lalo pa silang nalito nang sinabi ko sa kanilang wala akong alam. Alam ko na anak ako ng lead officer, pero 'di ibig sabihin na laging kasali ako sa mga ginagawa ni Tatay, magugulat sila kung gaano ako 'di updated. Pagkatapos ng ilang minuto ng paglalakad, nakarating kami sa parehong lugar kung saan ako kagabi, tulad kagabi, dalawang lalaki na sa tingin ko ay mga bantay, nakatayo sa gilid ng border ng grupo ni Cody. Hindi sila nagulat na makita kami doon, na-set up na ba 'to? Pero kung ganoon nga, siguro sinabi na sa akin ni Cody kagabi, o ginawa nila 'to ngayong umaga at isa 'to sa mga bagay na kailangan ayusin ni Cody. "Darating din ang Alpha," sabi ng isa sa mga lalaki kay Tatay, dahilan 'yon para magkaroon ng panic voices mula sa likuran ko, habang lumapit sa akin si Jacob. "'Di ba sabi ng officer, isa mula sa bawat bahay, bakit kayo nandito?" tanong niya at tumingin sa akin at kay Reece, na tanong na 'di ko alam ang sagot. "Ang tanong ko, bakit kami nandito?" tanong ko na nakatuon kay Tatay, na lumingon talaga sa amin pero 'di nagsalita. "Binibigyan niya ako ng tingin na 'yon guys, gyerahan na 'to, maghanda na," sabi ko na nagbibiro pero 'di nakuha ng ilan sa likod ko, 'di ko akalain na ganoon ako ka-convincent. "Malalaman niyo rin maya-maya," 'yon lang ang sinabi ni Tatay at lumingon ulit, well, 'di sapat 'yon siguro kailangan kong ituloy. "Sige, maggigiyera talaga tayo, Reece alam ko na may gunting ka, imumungkahi ko sa inyo na kumuha na lang kayo ng kahoy, makakatulong ba 'yon sa pakikipaglaban sa lobo? Siguro hindi, pero mas mabuti na may kahoy kesa walang kahoy," sabi ko habang nakatingin sa crowd, napadako ang mga mata ko sa isang batang lalaki na nagngangalang Todd, parang naniniwala siya sa akin! "Walang makikipag-giyera, magkakaroon lang tayo ng civil conversation sa Alpha at sa tingin ko kailangan natin ng backup," nagkibit-balikat si Tatay at sinusubukang pakalmahin yung crowd, pero alam kong may itinago siya, kaya alam niyo na kung ano yung ginawa ko. "Ginagamit mo silang backup, sana manatili itong civil o luto sila," sabi ko na nagdadrama na dahilan para tumakbo si Todd pabalik sa bayan, lumingon sa akin si Tatay na medyo naiinis. "Tinanggal ko na yung mga walang silbi, alam mo na sila yung mga kakampi mo," ngumiti ako at itinuro yung crowd na wala na si Todd, nang pumunta kami rito, parang maiihi na siya bago ko pa man biruin na maggi-giyera, mas mabuti na wala siya rito. Bago pa man magsalita ang kahit sino, nagsimula nang lumakad yung isang grupo ng mga tao, lumingon ako at nakatitig kay Cody na nangunguna sa grupong 'yon. Hindi ko talaga nakasanayan na makita siya sa ganong side, nag-iisip pa rin ang utak ko kung sino man ang magiging mate ko. Nanindigan sina Tatay at Justin habang may naririnig akong mga nag-aalalang bulong mula sa likod ko, medyo tense si Jacob habang si Reece, cool na cool lang. 'Di nagtagal, tumigil sina Cody at ang mga tauhan niya sa gilid ng border nila, ilang talampakan lang ang layo mula sa amin. Nakatayo sa tabi ni Cody si Scott, na ngumiti sa akin nang tumigil sila. "Nasaan siya?" tanong ni Tatay na nagsimula ng usapan, binigyan ko siya ng lutang na tingin na 'di alam kung sino yung "siya". "Hindi 'yon magalang, 'di man lang hello," sabi ni Cody habang nakalagay yung mga kamay niya sa likod niya, 'di ko pa siya nakita na ganyan kumilos dati, sabihin na nating ilang beses pa lang kami magkasama. "Nawala mo ang karapatan sa pagiging magalang ko nang inatake mo yung bahay ko, sagutin mo na yung tanong ko," galit na sabi ni Tatay, woah tinamaan ni Cody yung ugat niya. "Sige, kung gusto ko lang naman makipag-usap, ilabas mo siya," sabi ni Cody at tumingin sa mga tauhan niya, lumipas ang ilang segundo bago hinila palabas ng crowd ang isang lalaki. Bugbog sarado siya at mukhang mahina, sa una 'di ko alam kung sino 'yung lalaki. Hanggang sa tumingala siya at natuklasan ko yung mukha niya, yung nakakainis na officer. Tiningnan niya ako nang may masamang tingin, sabihin na nating parang deserve ko naman yung tingin na 'yon. "Tingnan mo yung ginawa mo!" umuungal siya sa direksyon ko, kinailangan kong pigilan ang ngisi na gustong mabuo sa labi ko. "Ako, wala akong ginawa, siguro 'di mo lang nakayanan yung welcoming committee," ngumiti ako sa kanya nang matamis, pagkatapos lumingon kay Tatay na binibigyan ako ng tingin. "Talaga Tatay, sa tingin mo ba kaya kong gawin 'yon? Talaga nagpapahiwatig ako," sabi ko sa kanya habang umiling lang yung tao, pero sinipa siya pababa sa sahig at sinabihan na tumahimik. Ubo siya nang 'di mapigilan, ginamit niya ang mga kamay niya para bumangon. 'Di na ako magsisinungaling nagsimula na akong maawa sa kanya, siguro 'di ko dapat tinulak siya sa border. "Siya ang gumawa! Nakita ko siyang nakikipag-usap sa lalaking 'yon at nang 'di niya nagustuhan yung sinasabi ko tinulak niya ako sa border!" sigaw niya na nakatingin kay Scott, na muling dahilan para lahat ng mata ay mapunta sa akin, siguro 'di na ako naaawa. "Wala akong ideya kung ano ang pinagsasabi mo, may ideya ka ba kung sino mang random stranger na 'di ko pa nakikilala?" tanong ko kay Scott na umiling at ngumiti rin. "Paumanhin pero wala akong naaalala na nangyari 'yon, naglakad lang siya sa teritoryo namin," sabi ni Scott at sinusuportahan ang kwento ko na gawa-gawa ko, ayoko na ako ang magmukhang masama dito. "Hindi mahalaga kung paano nangyari 'yon, pero kailangan naming payagan siyang bumalik sa bahay," sabi ni Tatay at lumapit sa border, nag-iingat na 'di tumawid, siguro gagawin din nila 'yon sa kanya. "Pero 'di ba nilalabag mo yung mga batas ng bayan niyo, kapag umalis na ang isang tao sa border mo at pumasok sa amin, kailangan silang manatili," sabi ni Cody habang nakacross arms siya, ano ba ang gusto niya at paano niya nalaman 'yon? "Sa tingin ko 'di 'yon patas sa lahat ng mga babaeng napilitang umalis sa kanilang mga tahanan, 'di ba?" tanong niya kay Tatay, na parang 'di makapagsalita, 'di siya pwedeng makipagtalo sa katotohanan. "Pero makikipagpalit ako," sabi ni Cody habang nakatayo nang diretso habang nagsasalita, nag-alala yung ekspresyon ni Tatay nang tingnan niya yung binugbog na officer. "Ibabalik ko sa inyo yung basurang mahina na 'to, kapalit ang anak mong si Erika," sabi ni Cody at lumingon sa akin, ngayon alam ko na kung ano ang ginagawa niya.