Dalawang ulo na asong lobo

Ganon na lang talaga ako… Ramdam ko 'yung sobrang takot na nanggagaling kay Pavel. Nararamdaman ko 'yung takot sa dibdib niya kanina habang niyayakap niya ako, hindi maalis sa isip ko kung paano niya ako yakapin, pakiramdam ko nangyari na 'yon dati, at 'yung paraan ng pagyakap niya kanina parang parehas na nangyari na talaga. Pero bakit pakiramdam ko nangyari na 'to gayong ngayon pa lang kami nagkita ni Pavel, ngayon pa lang din niya ako nayakap ng mahigpit na parang takot siyang pakawalan ako dahil baka mawala ako. Handa na kaming umalis sa simbahan na nasa harapan ko, sa totoo lang, hindi ako makapaghintay na tumira sa lugar na 'to ng matagal, nandidiri ako habang nakikita ko 'yung mga anghel na kalaban namin. Tumingin ako kay Cynrad nang bigla niyang hinawakan ang braso ko, seryoso siyang tumingin sa akin. Tumaas ang kilay ko at hinintay ko siyang magsalita, Parang gusto niya akong sermonan at may gusto siyang sabihin pero biglang nagbago ang emosyon niya at dahan-dahan niyang binitawan ang braso ko. "Nakalimutan ko." Sabi niya tapos tinalikuran niya ako, pinanood ko siyang pumunta sa tabi ni Bael at kinausap niya ito. Umiwas ako ng tingin nang makita kong papalapit sa akin si Pavel. "Tara na." Sabi niya sa akin, tumango lang ako at akmang lalakad na nang hilahin niya ako pabalik na naging dahilan para makita ko ulit 'yung mga imahe sa paningin ko. "Hindi mo alam kung saan tayo pupunta." Sabi niya kaya tumingin ako sa kanya, binitawan niya ako at kinuha ang mapa sa bag niya. "Pwede bang tingnan na lang natin 'yung mapa mamaya?" Tanong ko sa kanya kaya nagulat siyang tumingin sa akin. "Mas maganda kung maglalakad tayo habang tinitingnan natin 'yung mapa," Sabi ko dahil sa totoo lang, sawa na ako, ayokong makita 'yung mga mukha ng kalaban namin. Tumango siya at tiniklop ang mapa tapos tumingin sa dalawang nag-uusap. "Tara na," Sabi ni Pavel kaya nagtinginan 'yung dalawa, nginitian pa ako ni Pavel 'yung anghel na nagpapanggap na pari para magpaalam, nginitian pa niya ako kaya nagpupumiglas ako at umiwas ng tingin. Nakakasuya 'yung ngiti nila. Nagsimula na kaming maglakad at habang naglalakad kami, si Pavel naman ay nakatingin sa mapa niya. Samantalang si Bael naman ay nagkukwento ng mga walang kwentang bagay at si Cynrad naman ay tahimik lang na naglalakad gaya ko. "Inuuna mo 'yung problema ng iba kaysa sa misyon mo." Naalala ko na naman 'yung sinabi sa akin ni Alada kahapon habang pinaparusahan niya ako. Tama siya, inuuna ko 'yung iba kaysa sa tapusin 'yung misyon ko, pagod na ako kaya gusto ko ng tapusin 'yung misyon ko. May pumasok sa isip ko na plano kaya ngumiti ako at tumingin sa tatlo na nag-uusap tungkol sa susunod naming pupuntahan. "Sa isang kweba pala ang susunod nating pupuntahan," Sabi ni Pavel habang nakatingin sa mapa. Habang abala silang tatlo, sinimulan ko ng gamitin ang kapangyarihan ko para gawin ang plano ko. "Pwede tayong tumuloy doon ng gabi tapos kailangan tayong lumabas sa kabilang banda ng kweba para makapunta sa susunod nating destinasyon," Sabi ni Pavel at tiniklop ulit ang mapa at nilagay sa bag niya. "Ksara, gusto mo bang huminto muna tayo para makapagpahinga ka?" Tanong ni Pavel kaya tumingin ako sa kanya tapos ngumiti at umiling. "Wala kang hilig makipag-usap, buti at hindi lumalambot ang laway mo," Sabi ni Bael. Hindi ko siya sinagot, tignan na lang natin kung gaano kayo katapang na tatlo. "Alam mo, kaming tatlo muna ang bahala sa 'yo. Hindi ka namin pababayaan," Sabi ni Bael. "Huwag mo lang ulitin 'yung nangyari kanina." Sabi niya kaya nawala 'yung ngiti sa labi ko at natahimik ako ng tuluyan. Tahimik akong naglalakad habang nag-uusap silang tatlo kung ano ang gagawin nila sa kweba, biglang huminto sa paglalakad si Cynrad at sumenyas sa amin na tumahimik. "Narinig niyo ba 'yon?" Tanong niya habang tumitigil sa paglalakad at naglilibot ng tingin. "Alin?" Tanong ni Bael, umuungol na naman ang halimaw na gawa ng kapangyarihan ko, ngumiti ako pero hindi ko pinakita sa kanilang tatlo, nawala 'yung ngiti ko nang palibutan ako ng tatlo at para bang pinoprotektahan nila ako. "Huwag kayong maingay kahit anong mangyari," Sabi ni Pavel at biglang hinawakan ang kamay ko kaya napatingin ako doon, at nagsimula ng lumabas sa mata ko 'yung mga Larawan na nakikita ko tuwing hinahawakan niya ako. "Karma!" "Kumapit ka lang… huwag kang bibitaw." Bigla kong inalis ang kamay ko sa pagkakahawak ni Pavel, tumingin siya sa akin pero nanatili sa mukha ko ang pagkagulat. Lumalala 'yung mga imahe na nakikita ko tuwing hinahawakan niya ako, may mga boses din sa isip ko na parang nangyari na. "Ksara huwag kang--" Hindi na natapos ni Pavel 'yung sasabihin niya nang tumingin siya sa likod ko at agad akong niyakap tapos pinahiga ako sa sahig, nakapikit pa rin ako dahil sa ginawa niya, naramdaman ko 'yung hangin na napakalakas kaya napadilat ako at una kong nakita si Pavel na tumatakbo papalapit sa akin at pinoprotektahan ako. "Okay ka lang ba?" Tanong niya nang magtagpo 'yung mata namin, hindi ko siya sinagot at hindi na rin siya naghintay pa ng sagot ko dahil tumingin siya sa likod niya. "ANO 'YON?!" Natatakot na tanong ni Bael kaya tumingin ako sa likod ni Pavel at sumimangot nang makakita ako ng isang malaking itim na lobo na may dalawang ulo at handang sumakmal sa kanya sa isang maling galaw lang. "Saan nanggaling 'yung hayop na 'yon?" Tanong ni Cynrad habang nakatayo at nakatingin sa halimaw na sigurado akong hindi ako ang gumawa. Ang halimaw na ginawa ko ay lobo na may itim na mata at isang ulo lang, saan nanggaling 'yung nilalang na 'yon at nasaan 'yung halimaw na ginawa ko? Tumigil ako sa pag-iisip kung saan nanggaling 'yung halimaw na nasa harapan namin nang mapagtanto ko na isang alagad ng kadiliman gaya ko ang kayang gumawa ng mas malalaking halimaw kesa sa akin. Alada. Tumingin ako sa halimaw, sigurado akong galing kay Alada 'yung halimaw na nasa harapan namin. Tapos sinusundan niya ako at binabantayan. "Luhod!" Sigaw ko nang makita kong susunggaban ng halimaw si Bael, agad na yumuko si Cynrad at Bael, at kasabay nito, inatake ng halimaw 'yung kilos ni Bael na naging dahilan para magkaroon ng sugat sa pisngi si Bael dahil sa kalmot ng halimaw. Agad akong umupo tapos nag-focus para isummon ang halimaw na ginawa ko. "Ipoprotektahan mo ba sila Ksara" Napadilat ako nang marinig ko ang bulong ni Alada sa tenga ko. Luminga-linga ako pero hindi ko nakita si Alada sa paligid, naglalaro na naman siya sa akin. Pinikit ko ulit ang mata ko para tawagin 'yung halimaw na ginawa ko nang itulak ako ni Cynrad na naging dahilan para dumilat ako. "Anong ginagawa mo?" Inis na sabi ni Cynrad. Hindi ko siya sinagot kaya humuni ako na naging dahilan para magkaroon ng malakas na hangin at lumabas 'yung halimaw na ginawa ko mula sa likod namin para harapin 'yung halimaw na gawa ni Alada. "Saan nanggaling 'yung isa?!" Gulat na sigaw ni Bael at nagtago sa isang malaking bato. Nararamdaman ko 'yung takot nilang tatlo na nagiging dahilan para mas lumakas 'yung halimaw na ginawa ni Alada. "Huwag kayong matakot," Sabi ko kaya tumingin sila sa akin. "Dapat matakot kayo sa bagong dating na halimaw" Dagdag ko na naging dahilan para kumunot ang noo nila, kung takot sila sa halimaw na ginawa ko, malamang mas malakas 'yon kesa kay Alada. "Posible na kainin niya tayong apat ng sabay-sabay." Dahil sa pananakot ko ay nanlaki ang mata nila, at naramdaman ko 'yung lakas na nanggagaling sa mga takot nila. Nakita kong sumugod 'yung halimaw ni Alada sa halimaw na ginawa ko kaya agad ko 'tong kinontrol para labanan 'yung halimaw ni Alada, kinagat nito sa leeg ang halimaw ni Alada tapos itinapon niya palayo sa amin. "Tara na," Sabi ko at hinila sila palayo sa lugar na 'yon, kahit natatakot sila ay nagawa pa rin nilang sumunod sa akin. Napahinga ako ng malalim nang makalayo kami sa lugar na pinaglabanan ng mga halimaw na ginawa ko at ni Alada. Siguradong pupuntahan na naman ako ni Alada at parurusahan na naman dahil sa ginawa ko. Tumingin ako sa tatlo. "Ayos lang ba kayo?" Tanong ni Pavel tapos tumingin sa akin. "Dumudugo 'yung ilong mo." Sabi niya sa akin dahil hinahawakan niya 'yung ilong ko at pinagmamasdan ang kamay ko. Napalunok ako nang makita kong may dugo. "Okay ka lang ba?" Tanong ni Pavel na agad lumapit sa akin. Tumingin ako sa kanya at kitang-kita 'yung takot sa mata niya, hindi dahil sa halimaw na nakita niya kanina kundi dahil sa dugong nanggagaling sa ilong ko. "May masakit ba sa 'yo?" Tanong niya pero hindi ako sumagot. 'Yung lalaking 'to… "'Yung lalaking 'yon, may gusto sa 'yo." "Alagaan mo 'yung lalaking yumakap sa 'yo kanina nang bumangon 'yung katawang tao mo, ramdam ko 'yung pagmamahal na nararamdaman niya sa 'yo." Naalala ko na naman 'yung sinabi sa akin ng batang lalaki at ng anghel. …Hindi niya dapat ipinapakita 'yung kung ano mang nararamdaman niya sa akin. Dahil kahit anong mangyari, hindi ko kayang suklian 'yung nararamdaman na 'yon.