Lumang bahay

Tiningnan namin 'yung lumang bahay na kulay itim sa harap namin, may tatlong palapag at kalawangin na 'yung gate niya. May mga puno sa gilid pero patay na sila, sa gilid ng bahay makikita mo 'yung harang na humahati sa bayan at siyudad, paglampas mo sa harang na 'yon parang nasa siyudad ka na. Nakakita ako ng mga uwak na lumilipad sa paligid, 'yung fountain sa gitna walang tubig, may mga basag na bintana 'yung bahay at bukas 'yung pinto niya at walang nakatira doon. "'Yun na ba 'yon?" tanong ni Cynrad habang tinitingnan 'yung bahay. "Ito 'yung unang bahay ng dating punong ministro," sabi ni Pavel habang tinitingnan 'yung mapa, tinupi niya 'yung mapa tapos tiningnan niya 'yung bahay. "Ang tanda ng bahay na 'to ay mahigit isang daan at limampu't anim na taon na 'to," sabi ni Pavel. "Uy, tignan niyo 'to!" Tumingin kami kay Bael na tinuturo 'yung kalawanging gate. "Nakaukit 'yung apelyido ng dating punong ministro sa gate, alam niyo bang nasa loob siya ng bahay at natutulog lang?" tanong ni Bael. "Hindi nagfu-function utak niyan," bulong ni Cynrad tapos tumingin sa'kin. "Anong plano?" tanong niya. "Pasukin 'yung bahay," sabi ko. "Baka kasuhan tayo ng Invasion of privacy kapag pumasok tayo, wala tayong--" "'Yung mga lumang bahay na tulad ng nasa harapan natin walang gamit sa politika," sabi ko tapos tumingin kay Pavel. "Mukha bang may interes 'yung gobyerno at mga ministro sa lumang bahay na 'yon?" tanong ko tapos inasar ko siya. "Ibaliwala natin 'yung mga batas, nandito tayo para hanapin 'yung hinahanap mo. Kung gusto mong mapadali 'yung trabaho, sumunod ka na lang sa'kin." Sabi ko tapos ako na 'yung nanguna sa pagbukas ng gate at pumasok sa bakuran ng lumang bahay. Malamig 'yung simoy ng hangin, ngumiti ako nang makita ko mula sa kinatatayuan ko 'yung takot ng mga kaluluwa na nakatingin sa'kin. May nanggugulo sa'kin na humaharang sa kaluluwa ko gamit 'yung isang batang babae. "Dad?" Tanong niya, tiningnan ko lang siya tapos pinakita ko 'yung mga mata kong pula, bigla siyang nawala sa kinatatayuan niya, tiningnan ko 'yung tatlo sa likod ko at tumingin sa paligid. "Sigurado akong may mga multo dito," sabi ni Cynrad habang tumitingin sa paligid. "Gaano ka kasigurado?" tanong ni Bael na nasa gitna nilang dalawa at takot na takot. "Mas sigurado pa sa sigurado," sabi ni Cynrad tapos pinakita niya 'yung mga balahibo niya na nakatayo. "Ay oo nga, tatayo balahibo ko." Sabi niya. "May nakita akong bata kanina," sabi ko kaya tumingin silang tatlo sa'kin. "B-bata?" Sabay nilang tanong, tumango ako tapos tumalikod sa kanila, ngumisi ako. "Oo, hinahanap niya 'yung tatay niya," sabi ko tapos tumingin sa likod ng puno kung saan nagtatago 'yung batang humarang sa'kin kanina. "Y-yuniko please huwag mo kaming takutin," sabi ni Cynrad. "Dito tayo matutulog," sabi ko. "ANO?" sabay nilang tanong kaya humarap ako sa kanila. "Bakit?" tanong ko. "M-matutulog tayo dito?" tanong sa'kin ni Pavel. "Gusto mo bang matulog sa labas, siyempre sa loob tayo matutulog," sabi ko at lalong nanlaki 'yung mata nila. "Uuwi na lang ako," sabi ni Bael at tinalikuran kami. "Sige, mag-ingat ka, baka makasalubong mo 'yung mga lobo sa gubat," sabi ko para pigilan siya, agad siyang bumalik sa gitna nilang dalawa tapos tumingin sa'kin na parang bata. "'Wag ka nga Yuniko, hindi na ako ganun, hindi na rin ako nagkakaganyan," sabi ni Bael na parang bata kaya natawa ako at agad naging seryoso. "Sino bang nagsabing nagbibiro ako? Seryoso ako." Sabi ko natorture sila. "Kung ayaw niyong matulog dito sa bahay na 'to, 'wag, hindi ko kayo pinipilit," sabi ko tapos nagsimula na akong maglakad, narinig ko 'yung mga yapak nila na sumunod sa'kin. "Humanap kayo ng ligtas na matutulugan," dagdag ko pumasok ako sa basag na pinto ng bahay, pagpasok ko sa bahay sinalubong agad ako ng ilang kaluluwa na nagsusugal sa gitna kung saan may mesa, agad silang tumingin sa'kin at biglang naglaho, binuksan ko 'yung ilaw pero hindi na gumagana kaya ginamit ko na lang 'yung kapangyarihan ko para mabuksan at magkaroon ng ilaw sa loob. "Himala buhay pa 'yung ilaw," natatakot na sabi ni Cynrad. Tiningnan ko silang tatlo. "Magpahinga na kayo," sabi ko kaya tumingin sila sa'kin. "Paano ka naman?" tanong ni Pavel, na-torture ako. "Matutulog siguro ako sa kwartong 'to." Pagsisinungaling ko kahit na parang totoo, lilipat lang ako sa buong bahay. "Ganun ba? Hindi ka ba natatakot?" tanong ni Pavel. "Natatakot ba kayo sa mga multo?" tanong ko sa kanila. "S-sino bang nagsabi na natatakot kami?" magalang na tanong ni Bael pero takot na takot. "'Yung batang nasa likod mo," sinagot ko 'yung tanong niya, agad siyang sumigaw at nag-krus kaya pumikit ako at lumayo sa kanya. Nahilo ako sa ginawa niya. "Uy... okay ka lang ba?" tanong sa'kin ni Pavel, hindi ko siya pinansin sa halip ay pinikit ko na lang 'yung mata ko, pagkalipas ng ilang sandali, nakarinig kami ng kalabog sa itaas na naging dahilan para lalong sumigaw si Bael, at biglang lumapit sa'kin at hinawakan ako sa braso, agad akong sumigaw nang mahawakan niya ako na naging dahilan para mapatingin sila sa'kin. "Uy anong nangyari sa'yo?" tanong ni Pavel habang tinitingnan ako, tiningnan ko 'yung braso ko na hawak ni Bael, nandoon 'yung kamay niya kaya tiningnan ko siya na may takot sa mukha niya, nakatingin siya sa sugat ko. "Anong nangyari sa braso mo?" tanong ni Cynrad, si Pavel, lumapit sa'kin at akmang hahawakan 'yung braso ko nang lumayo ako sa kanya tapos tumingin siya sa kanila na masama. "Pwede ba kayong matulog? OA niyo masyado." Sabi ko tapos umakyat sa lumang hagdanan ng bahay habang hawak 'yung braso ko na hawak ni Bael. Tiningnan ko 'yung multo na gumawa ng ingay sa itaas, nagtago lang siya sa likod ng pinto habang nakatingin sa'kin, pumasok ako sa isang kwarto tapos tiningnan ko 'yung braso ko na may sugat. Nakakakilabot. "Hindi ba siya 'yung sumumpa sa bayan?" "Anong ikaw, hindi siya." "Hindi ba? Parang siya." "Tumahimik kayo," sabi ko na iritado sa dalawang kaluluwa ng babae sa ilalim ng kama kung saan ako nakaupo, bigla silang humarap sa'kin at tumingin sa'kin, tiningnan ko sila kaya bigla silang natakot pero nanatili sila sa harap ko. "Isa ka sa mga tagapagbantay ng pitong sirkulo hindi ba?" Tanong ng isang babae na maikli 'yung buhok, hindi ko sila pinansin. "Alam mo ba 'yung sumumpa sa buong bayan?" Tanong ng isang babae na mahaba 'yung buhok. "Gusto kong mapag-isa, umalis kayo," sabi ko pero tumawa lang sila. "Ang sumumpa ba ay kapatid mo?" Sinamaan ko sila ng tingin. "Anong sumpa ang sinasabi mo?" tanong ko na inis. "'Yung sumpa--" "Shhh may darating." Sabi ng babae na mahaba 'yung buhok tapos hinila niya 'yung kasama niya papalayo sa'kin, hirap na hirap ako tapos tiningnan ko ulit 'yung sugat ko, grabe talaga. "Hirap?" Tiningnan ko 'yung nagsalita mula sa itaas ko, at lalo pang kumulo 'yung dugo ko nang makita ko si Alada na nakabitin sa chandelier ng kwarto. "Ano pa 'yung kailangan mo?" Tanong ko sa kanya na iritado. "Kukuha lang ako ng dalawang mailap na kaluluwa." Sabi niya at biglang nawala sa itaas, sa isang iglap nasa harap ko siya hawak 'yung kaluluwa ng babae na kausap ko kanina, sa kaliwang kamay niya hawak niya 'yung babae na mahaba 'yung buhok samantalang sa buntot niya 'yung babae na maikli 'yung buhok. "Tulong!" Sumigaw 'yung babae na maikli 'yung buhok na takot na takot, tinitigan ko si Alada. "Kailan ka pa nangongolekta ng mailap na kaluluwa?" tanong ko, at ngumiti siya sa'kin. "Ngayon." Sagot niya tapos inalog niya 'yung dalawa. "Maingay kasi." Sabi niya tapos tumingin sa'kin. "By the way, nakita ko 'yung mga kaibigan mo sa baba. Ganda ng mga mukha." Sabi niya na may ngiti tapos biglang pumunta sa tabi ko at nilagay 'yung braso niya sa paligid ko. "Tara na kapatid, kapag natapos mo na 'yung misyon mo sasabihin ko sa'yo lahat ng sekreto ko." Bulong niya at biglang nawala kasama 'yung dalawang kaluluwa, nag-iisa ako sa kwarto, bumuntong-hininga ako at tumingin sa basag na bintana. "Lagi ka na lang misteryoso Alada," bulong ko sa sarili ko.