Sinumpang Diyos VS Itim na Anghel

Naramdaman ko yung mahigpit na pagkakahawak sa akin ni Cynrad, takot siya, ramdam ko. At siguro ramdam din ni Bael yung takot na nararamdaman ng kasama ko. “Wala kaming balak gumawa ng gulo.” Sabi ko, gumapang sa akin si Arae, napatingala pa nga ako dahil sa laki ni Arae, ngumiti siya sa akin. “Ganun ba? Nakaka-bored naman.” Sabi niya. “Kailangan ko ang tulong mo.” Sabi ko kaya nagtaasan ang kilay niya, bigla siyang humagalpak ng tawa at gumapang papunta sa kanyang trono na napapalibutan ng mga ahas na may dalawang ulo. “Humihingi ng tulong ang demonyo sa reyna ng mga sumpa.” Sabi niya na tumatawa at saka umiling-iling sa tawa. “Sabihin mo nga sa akin itim na anghel, nanghina na ba ang iyong kapangyarihan ng demonyo?” Tinawanan niya ako sa tanong. “Wala kinalaman sa iba pa ang tulong na hinihiling ko.” Sabi ko na lalong ikinagulat niya. “Talaga? Kaya may lakas ka ng loob na pumasok sa lugar ko.” Sabi niya at saka tumawa. “Anong tulong ang hihilingin mo sa akin?” Tanong niya habang naglalaro sa isang malaking ahas sa tabi niya. “Tinatakpan ng sumpa ang… lugar na tinatawag nilang winsoul.” Sabi ko kaya tumigil siya sa paglalaro sa kanyang alaga at saka tumingin sa akin, bigla siyang humalakhak ng malakas na para bang malaking joke ang sinabi ko. “Isang itim na anghel na katulad mo na humihingi ng tulong para sa isang tao? Katawa-tawa ka.” Sabi niya at nagpatuloy sa paglalaro sa kanyang alaga. “Hindi mo naiintindihan.” Sabi ko at huminga ng malalim. “Kung kaya ko lang kumbinsihin ang kapatid ko na bawiin ang sumpa na ginawa niya, hindi ako pupunta rito.” Sabi ko kaya tumingin siya sa akin. “Anghel, Anghel, Anghel bumabagsak sa lupa.” Biro niya sa akin at saka ngumisi. “Sa palagay mo, makukumbinsi mo rin ba ako na tulungan ka?” Tanong niya na natatawa. “Ako ay isang madiskarteng nilalang pero wala akong intensyon na malaman ang tungkol sa problema mo.” Sabi niya saka gumapang papalapit sa akin. “Kailan pa nabuo ang alyansa ng mga tao at demonyo?” Tanong niya at lumapit ako sa kanyang mukha, naramdaman ko ang kanyang dila sa pisngi ko at saka nang ngumiti ang kanyang mga labi. “Mukhang naiintindihan ko na.” Sabi niya at saka lumayo sa akin at ngumisi, lumingon ulit siya at dahan-dahang gumapang pabalik sa kanyang trono. “Isang lalaki na nakipagkasundo sa demonyo ang matapang sa harap ko ngayon.” Sabi niya kaya nanliit ang aking mga mata. “Nauubusan na ba ng demonyo ang impyerno kaya ginawa nilang demonyo ang katulad mo?” Tanong niya at saka lumingon sa akin. Hindi ako sumagot, siguro alam na niya ang lahat dahil hinaplos niya ang aking pisngi. “Kayo mga anghel na tinatawag, maputi man o itim, pareho lang kayong talunan.” Sabi niya at umupo sa kanyang trono at tinitigan ako na para bang ako ay isang laruan. “Nagsusumamo kami sa inyo.” Nanlaki ang aking mga mata nang lumabas si Cynrad mula sa aking mga pakpak, lalong lumawak ang ngiti ni Arae nang nakita niya si Cynrad. “Gusto naming tulungan ang kaibigan ko na maging hari, pero dahil sa sumpang iyon ay tila malabong mangyari na maging hari siya.” Sabi ni Cynrad. Napalunok ako ng nerbiyos, bakit ka pa lumabas Cynrad? Mapanganib si Arae at natutuwa siya sa mga ligaw na kaluluwa ng mga tao. “Isang kaluluwa ng tao.” Sabi niya na may kakaibang ngiti sa kanyang mga labi. Agad kong hinawakan si Cynrad na naging dahilan para mapatingin siya sa akin. “Huwag mo siyang idamay sa bagay na ito, please.” Sabi ko na ikinatawa ni Arae. “Kayong dalawa ay nakakatuwang panoorin.” Sabi niya at saka tumingin kay Cynrad. “Espesyal ka sa kanya, ang itim na anghel sa tabi mo.” Sabi ni Arae kaya tumingin ako kay Cynrad. “Please, tulungan mo kami.” Sabi ni Cynrad kay Arae, na nakapag-alerto sa akin nang lumapit si Arae kay Cynrad, ngumisi siya sa kanya at saka tumingin sa akin. “Wala siyang alam sa kanyang sinasabi.” Sabi sa akin ni Arae at saka sinimulang paikutan si Cynrad. “Lalaki, gaano mo gustong tulungan ang kaibigan mong magiging hari?” Tanong niya kay Cynrad, tiningnan ko si Cynrad na lumalaban sa takot. “Isang daang porsyento.” Sagot ni Cynrad kay Arae na ikinatawa ni Arae. “Talaga? pero hindi mo ba gustong maging hari?” Tanong ni Arae kay Cynrad kaya tinitigan ko ito, kita sa kanyang mga mata ang pagkabigla sa sinabi ni Arae. “Noong bata pa ako, gusto kong maging hari.” Sabi ni Cynrad kay Arae, isang ngiti ang gumuhit sa mga labi ni Arae habang patuloy na iniikutan si Cynrad at ako. “Talaga? Ganun ba?” Tanong ni Arae, halatang interesado sa ginagawa niya. “Please, tulungan mo lang kami.” Sabi ni Cynrad kaya tumigil sa pag-ikot si Arae saka dahan-dahang lumapit kay Cynrad. “Paano kung sabihin kong ayaw ko?” Tanong ni Arae kay Cynrad. Nag-uumpisa nang kumulo ang dugo ko sa Arae na ito. “Nagsusumamo ako, gagawin namin ang lahat ng gusto mo.” Sabi ni Cynrad na ikinatawa ni Arae at saka bumalik sa kanyang trono. Pinanood namin si Arae na tumatawa sa sinabi ni Cynrad, hindi niya inakala na hihilingin ni Arae ang kanyang buhay o ang kanyang kaluluwa bilang kapalit. “Gagawin mo ang lahat ng gusto ko?” Tanong ni Arae kay Cynrad. Tiningnan ko si Cynrad na tumango. Bobo! “Hindi siya kasama sa –” “Please, iwanan mo na yan dito.” Sabi ni Arae kay Cynrad at hindi natapos ang sasabihin ko, biglang naging seryoso ang mukha ni Arae habang nakatingin kay Cynrad na nagulat sa sinabi ni Arae. “Ikaw ang kabayaran kung tutulungan ko ang kaibigan mo.” Sabi niya at ngumisi, sumimangot ako at hinila si Cynrad sa aking likuran. “Ang kasama ko ay out of the question, gagawin ko ang mga kahilingan mo.” Sabi ko na ikinapalawak ng ngiti sa kanyang mga labi. “Rule 2097, hindi maaaring bumuo ng alyansa ang mga demonyo sa isang tao maliban na lang kung may napagkasunduan ang demonyo at ang tao.” Sabi ni Arae habang nakatingin sa akin. “Alam mo ang rule na yan, hindi ba? Alam mo ang nangyayari kapag nalaman mo ang problema ng mga tao.” Sabi niya sa akin. Yumuko ako. “Rule 3096, bawal kumuha ng buhay na kaluluwa sa impyerno, tanging kamatayan lang ang may karapatan na kumuha ng isang kaluluwa.” Sabi niya kaya nakagat ko ang aking dila. “Rule 176, bawal ang demonyo na makipagkasundo sa isang nilalang na mas makapangyarihan sa kanya.” Dagdag niya. “Sa tingin mo itim na anghel, ano ang mangyayari sayo kung sasabihin ko sa ama mo ang ginagawa mo?” Tanong niya sa akin. “Please, huwag mo siyang isumbong.” Ang pag-ungol ni Cynrad ay nagpa-istima kay Arae na tumingin sa kanya at tumawa. “Sagutin mo ang tanong ko.” Sabi niya sa akin habang nakatingin kay Cynrad. Tumingin sa akin si Cynrad kaya tiningnan ko rin siya at yumuko. “Ang mahuhuling lumalabag sa mga rules ay papatayin.” Mahinang sabi ko kaya nanlaki ang mga mata ni Cynrad saka siya tumingin kay Arae. “Nagsusumamo ako, huwag mong isumbong si Ksara.” Sabi ni Cynrad at lumuhod sa harap ng trono ni Arae na ikinatawa ni Arae ng malakas. Nanigas ang panga ko sa sobrang pagpipigil ng pagkayamot, gusto ko siyang sakalin hanggang sa maubusan ng hininga si Arae pero tila malabong mangyari iyon dahil isa siya sa pinakamakapangyarihang nilalang. Napunta lang kami rito para insultuhin at laitin ng nilalang na ito, wala siyang kwenta! “Sige na nga, sinabi mo yan.” Sabi ni Arae at saka tumingin sa akin. “Hindi ko isusumbong si Karma.” Sabi niya habang nakatingin sa akin. Kilala niya rin ang pangalan ko noon, talagang napakalakas niya. “Aalis na kami, kung hindi ka naman tutulong, mas mabuting manahimik ka na lang.” Mapait na sabi ko at saka tumalikod. “Pero Ksara –” Hindi natapos ni Cynrad ang sasabihin nang hinila ko siya palayo. “HAHAHAHAHAHAHA mga demonyo talaga ang laging nagmamataas sa sarili.” Sabi ni Arae kaya nanliit ang aking mga mata. Hindi ko na mapipigilan! “Nagmamataas kayo pero wala kayong kwenta.” Sa pagkakataong ito, mabilis akong sumugod sa kanya na ikinagulat ng mga halimaw sa paligid namin ni Cynrad. Agad ko siyang sinakal at mahigpit na itinulak kung saan siya uupo. “Pinaglalaruan mo ako Arae.” Sabi ko, ngumisi lang siya sa akin habang sinasakal ko siya. “Nagpakumbaba pa akong pumunta rito para humingi ng tulong mo pero ang sinabi mo. Hindi ko na rin maipagtataka kung bakit hindi ka makaalis sa lugar na ito kahit anong gawin mo, dahil kahit langit at lupa ay hindi ka tinatanggap.” Nang sabihin ko iyon, malakas niyang hinampas ng kanyang buntot ang aking likuran dahilan para mabitawan ko siya. Mabilis siyang sumampa sa akin at sinakal ako pero hindi ako natalo dahil itinutok ko ang aking matutulis na kuko sa kanyang puso. “Ksara!” Pag-aalalang tawag sa akin ni Cynrad pero hindi ko siya pinansin. “Teritoryo ko ito gaga, kaya kong patayin ka kung gusto ko.” Matigas na sabi sa akin ni Arae, ngumisi ako. “Kung ganun, gawin mo.” Sabi ko kaya nanlaki ang kanyang mga mata. “Kung hindi, mas mahina ka pa sa akala ko.” Madiin kong sabi, akmang kukunin niya sa akin ang kutsilyong hawak ko nang mabilis kong ibinagsak ito at sinugatan ang kanyang mukha dahilan para lalo siyang magalit. Agad ko siyang sinipa palayo sa akin at lumipad papunta kay Cynrad. Agad ko siyang inilagay sa aking likuran at bago pa man ihagis ni Arae ang kutsilyong hawak niya, nasugatan ko ang kanyang kamay dahilan para mabitawan niya ang kutsilyong hawak niya. “Hanggang sa muli, Arae.” Sabi ko at nagsimulang lumayo sa kanyang lugar. Pero bago pa man kami makalabas sa portal, narinig ko ang mga salitang binitawan niya. “Pinapangako ko Karma, hindi ka kailanman magiging masaya at hindi ka kailanman makakasama ng lalaking gusto mo!”