KABANATA 13

Huminga ako nang malalim, yung hiningang kanina ko pa pinipigilan. Tumayo ako mula sa upuan ko at sinundan siya papunta sa opisina niya. Nakatitig yung mga mata ko sa likod niya, dun sa maayos at mamahaling dark blue na Armani suit niya. “Yes sir,” nasabi ko bigla habang nakatayo sa harap ng desk niya, at siya naman umupo na sa upuan niya. Yung mga mata niya nakatitig sa akin, at naramdaman ko agad na uminit yung buong katawan ko. Erupsyon ng bulkan. Mas malaki pa ‘to sa Mount Pinatubo. Gusto ko yung lalaking ‘to. Dito at ngayon na. Ang problema lang… Ayaw niya sa akin. “Tungkol sa nangyari. Hindi ako nakapag-sorry. Sorry,” sabi niya. Naguluhan ako. “Sorry sa alin? Yung pagpapaalis mo sa akin o yung pagpapatulog mo sa akin sa kama mo?” “Pareho. At sana ‘di na mauulit yun. Napakagaling mong empleyado at gusto ko manatiling professional ang pagitan natin.” “Naiintindihan ko, Mr. Hollen. Nakalimutan ko na nga na nangyari yun,” pagsisinungaling ko. Hindi ko kayang kalimutan. Pilit kong pinapaalis sa isip ko yun at tinanggap na lang na hindi niya ako gusto. “Good,” sagot niya. “Pwede ka nang bumalik sa desk mo.” Humarap ako para umalis pero pinigilan niya ako. “Teka muna, Miss Blackman. Kailangan mo i-print out yung limang kopya nito. I-proofread mo ‘tong anim na dokumento at gawin mo yung mga kailangang pagbabago at pag-correct bago matapos ang araw. I-fax mo ‘to sa lahat ng level, i-reschedule yung meeting sa investor na ‘to, nasa computer yung file niya at mag-take ka ng mga mensahe para sa mga taong tatawag para sa akin. Aalis ako sa natitirang linggo.” “Talaga?” “Oo, talaga. Nagse-celebrate ng ika-50 birthday ng nanay ko at pupunta kaming Cayman Islands.” “Sounds nice. Sana mag-enjoy kayo,” sabi ko. Binigyan niya ako ng malamig na tingin. Bakit? Anong mali sa sinabi ko? “Sa ngayon, si Josh Brayan ang in-charge at sa kanya ka lang sasagot.” “Anong oras ka aalis?” tanong ko sa professional na tono. “Hating-araw.” “Okay,” sagot ko at humarap ulit para umalis. Bumalik ako sa desk ko at sinimulang i-fax yung mga dokumento sa ibang level. Naglaan ako ng oras para i-proofread yung mga impormasyon na binigay niya sa akin at sinabihan ako na gawin yung mga kailangang pagbabago at pag-correct. ‘Sana nakasama ako sa trip niya sa Cayman Islands kasama ang pamilya niya. Sana ako yung mahal niya at hindi si Jessica Hills. Sana magkaroon siya ng kahit anong nararamdaman para sa akin at sabihin niya sa akin kung gaano niya ako gusto sa buhay niya.’ Gusto ko pa ngang magkaroon ng genie para tuparin yung mga hiling ko. Itinaboy ko yung mga isipang yun at bumalik sa trabaho. Nagiging OA na ako sa mga nararamdaman ko at kailangan kong kumalma bago pa ako mawalan ng trabaho. Tumunog yung telepono ko. “Kailangan kita ng pabor. Bumalik ka sa opisina ko,” boses niya yung nagsalita. Ngumiti ako at bumalik sa opisina niya. “Nakalimutan kong sabihin na… ummm,” nauutal siya. Ginulo niya yung buhok niya gamit ang mga daliri niya habang yung mga matingkad na kulay-abo niyang mata nakatingin sa akin. Nawala ako sa kanila. Kaya nilang hipnotisahin kahit sino. Bumukas ulit yung bibig niya, tapos nagsara. Tumalon yung puso ko ng ilang beses nun. Tumayo siya mula sa upuan niya at naglakad papalapit sa akin, mismo sa harap ko. Yung pabango niya nagbubulag sa mga butas ng ilong ko, yung matigas niyang dibdib nagpapadala ng magnetic force sa katawan ko, hinihila ako. Nanginginig yung mga paa ko dahil pinipigilan ko yung sarili ko na tumalon sa kanya at gawin yung gusto ko sa lalaking sobrang gwapo. Napakaperpekto niya. Diyos talaga ay isang artista para hubugin yung magandang nilalang na ‘to sa harap ng mga mata ko. “May nakadikit sa buhok mo,” mahinang bulong niya sa tainga ko. Hindi ko pa naririnig yung tono ng boses na ganun sa kanya dati. Parang nakaka-akit at sigurado akong basa na ako sa ibaba. Umatas yung kamay niya sa buhok ko at tinanggal yung puting bagay na parang papel. Nanginginig ako sa kuryente dahil sobrang lapit niya sa akin. Yung amoy niya, yung hininga niya, yung haplos niya. Ginagawa nila lahat ng bagay sa akin. “Salamat,” mahinang sabi ko. Pumikit ako para pigilan ulit yung sarili ko. Hindi ko na kaya. Humarap ako ng mabilis at bumalik sa desk ko. ‘Okay, isipin mo yung isang nakakatakot na bagay tungkol sa kanya,’ sabi ko sa sarili ko dahil kailangan kong itaboy yung nararamdamang ‘to. ‘Isipin mo yung mabaho niyang hininga sa umaga. Isipin mo yung lahat ng one night stand na nagawa niya sa maraming iba’t ibang babae. Isipin mo yung masamang bruha na nakaupo sa kandungan niya sa opisina. Isipin mo… Isipin mo… Oh yung mga mata niya ang ganda at nagkikinang na parang araw kapag masaya siya at tumatawa. Siya yung pinakagwapong lalaki na nakita ko… at yung katawan niya parang…’ “Oh Jasmine! Tumahimik ka,” sabi ng subconscious mind ko. Bumalik ako sa pag-proofread. Yung girlfriend ni Mr. Hollen noong nakaraang linggo, si Jessica Hills, dumaan sa desk ko at pumasok sa opisina niya. ‘Well at least nabura niya yung mga ligaw na iniisip,’ sabi ko sa sarili ko ulit. ‘Sa ngayon, anyway.’ POV ni Evan Pag-alas dose na, lumabas ako sa opisina ko at pumasok sa Lamborghini ko at nagmaneho papunta sa mansyon ko. Bukod sa mga mansyon na pag-aari ko sa Paris, Italy, London, Indonesia, Canada at Bora Bora, mas gusto ko yung nasa Brooklyn.