KABANATA 76

POV ni Evan 'Buntis.. Buntis?" nauutal kong sabi, kinuha ko 'yung box ng tissue sa mesa ko at tinry kong maglinis. 'Oo,' sagot niya. 'Paano? Nag-iingat naman tayo. Sabi mo nagpipills ka tapos gumagamit pa ako ng proteksyon sa'yo, halos palagi.' 'Alam ko 'yun, Evan. Pero may mga aksidente talaga.' Lord, bigyan mo ako ng lakas. 'Galit ka, 'no?' tanong niya at parang maiiyak na siya. 'Hindi. Hindi ko lang talaga inasahan 'to. Nag-pregnancy test ka na ba? Nagpatingin ka na ba sa doktor?' tanong ko. 'Hindi pa at Hindi pa. Kanina pa ako nagsusuka tapos hindi ko rin feel 'yung sarili ko.' 'Okay. Tara na,' sabi ko at kinuha ko 'yung jacket ko sa likod ng upuan. Kinuha ko 'yung susi ng kotse ko tapos ginabayan ko siya palabas ng opisina. Napagdesisyunan kong dalhin siya kay Dr. Matador. Magaling siyang OBGYN at hindi siya nagpapalabas ng kahit anong impormasyon sa press para lang kumita. Pinagkakatiwalaan siya ng parents ko at ganun din ako. 'Hello Mr. Hollen. Ano po maitutulong ko sa inyo ngayon?' tanong niya nang makita niya ako na pumapasok sa pinto. Kausap niya 'yung nurse at sigurado ako na nagpapacute din siya. 'Di naman ako makikialam. 'Girlfriend ko po 'to at tingin niya buntis siya. Kailangan naming makasigurado,' paliwanag ko sa kanya. 'Sige,' sagot niya at inalalayan kami sa isang pribadong kwarto. 'Ngayon Miss. Goode, ito ay tinatawag na Advance Ultrasound Demo. A-U-D for short. Kahit isang araw ka pa lang buntis, makikita na natin 'yung baby sa monitor,' sabi ni Dr. Matador habang inuutusan niya itong humiga at itaas 'yung T-shirt niya. Gumu-gulo 'yung isip ko at nagba-bounce 'yung utak ko sa mga dingding niya. Ang totoo, ayaw ko rin na buntis siya. Hindi ko kayang magkaroon ng dalawang anak na may magkaibang nanay sa murang edad ko. Papatayin ako ni Mom at mapapahiya at madidismaya si Dad sa panganay niyang anak. Hindi gagawa ng ganung katangahan si EJ at siya pa 'yung bunso. Ginulo ko 'yung buhok ko gamit ang mga daliri ko at ipinagdarasal na sana hindi siya buntis. May lumabas na picture sa monitor sa kabila ng kwarto at nagsimula nang bumilis ang tibok ng puso ko. 'Hmm. Yeah,' sabi ng doktor. 'Yeah ano?' tanong ko. 'Miss. Goode, pasensya na pero hindi ka buntis. Walang kahit anong senyales ng baby sa matris mo,' sabi niya at pinunasan niya 'yung gel sa tiyan niya. 'Oh thank God,' sabi ko sa sarili ko pero medyo nalakasan ko ata. Narinig niya ako at tumulo 'yung luha sa mata niya. 'Bibigyan ko kayo ng moment,' sabi niya at umalis siya sa kwarto. 'Baka nakakain ka lang ng kung ano kaya sumakit 'yung tiyan mo,' sabi ko sa kanya. Pinunasan niya 'yung luha niya at tumayo. 'Pwede na ba tayong umalis?' tanong niya, hindi na naghintay o lumingon sa akin, umalis na siya ng kwarto. Sumunod ako sa kanya sa malayo. Salamat, Hesus. 'Masaya ka, 'no?' tanong niya habang nasa kotse kami pauwi. 'Bakit mo naman nasabi 'yan?' 'Kasi parang nabunutan ka ng tinik nung narinig mo na walang baby, parang may bigat sa dibdib mo simula nang sinabi ko sa'yo na baka buntis ako. Sigurado akong hindi ka naman nagalit nung nalaman mo na buntis si Jasmine.' Simula na naman! 'Iyan ba 'yung pinag-uusapan natin? Nagtatry ka na naman mabuntis kasi buntis si Jasmine? Nagpipills ka pa ba talaga o nagsisinungaling ka lang sa akin?' 'Syempre nagpipills ako pero baka nakalimutan ko lang...' Hindi ko na siya pinatapos. 'Wag mo nga akong subukan ng kalokohan mo, Aria! Wag kang maglakas loob na bitagin ako para mabuntis ka! Alam na alam mo na hindi ka nagpipills kaya nga hindi ka na nag-abala pang mag-pregnancy test!' 'Evan...' 'Wag mo akong i-'Evan'. Wag na lang! Lumampas ka na sa linya sa paggawa ng katangahan. Paano ako makokomportable na makipagtalik sa'yo ulit?' Galit na galit ako at inilabas ko 'yung galit ko sa accelerator. Karaniwan kalahating oras mula sa OBGYN papuntang mansyon, pero nakarating ako sa loob ng labinlima. Kalahati ng oras. Andun si Mom. Nakaupo siya kasama si Jasmine at Zenia sa sala, nagbabasa ng magazine habang nag-uusap at tumatawa. 'Hi baby,' sabi ni Mom at lumapit sa akin at niyakap ako. Mahinang yakap ang sinukli ko at umakyat na ako sa taas nang walang ibang sinabi. Sumunod sa akin si Aria. POV ni Jasmine Ang galing-galing talaga ni Emma. Pangalawa kong nanay. Sila ni Zenia at ako ay nagpalipas ng hapon na magkakasama, nag-iisip ng mga pangalan ng baby at nagtataka kung ano ang magiging itsura niya. 'Magkakaroon siya ng mga mata ni Evan. Naku, magiging heartbreaker siya kapag nagmana siya ng mga mata ng tatay niya,' biro ni Emma. 'Magkakaroon siya ng buhok na parang kay Jasmine,' sabi ni Zenia habang hinahaplos niya 'yung buhok ko. Narinig namin na bumukas at sumara 'yung pinto at pumasok si Evan at Aria. Nakakunot ang noo niya at madilim ang mga mata niya. 'Nagtatalo ba sila?' tanong ko sa sarili ko.