KABANATA 71

'Hindi naman sa hindi ko maalala, hindi ko lang talaga alam kung sino ang may gawa. Akala ko nung una si Bradley, pero hindi naman boses ni Bradley yung nagsalita sa akin," sagot ko. 'Inatake ako nung una akong nagbuntis," sabi niya at ipinatong ang braso niya sa leeg ko, 'Hindi naging madali para sa akin." 'Inatake ka rin?" 'Oo. Ng unang fiancée ni Ethan at ng nanay niya. Nalaglag yung baby ko," sabi niya at tumulo na ang luha sa mata niya. Hindi ko mapigilang maawa sa kanya. 'Grabe. Anong nangyari?" tanong ko. Hindi ko pa kasi naririnig yung kwento na yun. 'Sa tingin ko hindi ko dapat ikwento sa'yo 'to. Ayokong matakot ka." 'Please ikwento mo. Gusto kong marinig yung nangyari," pagmamakaawa ko. 'Well katulad ng alam mo na, nagtrabaho akong katulong sa papa ni Evan. Wala akong pinanggalingan. Iniwan ako ng parents ko nung sanggol pa lang ako at palagi akong sinasabihan na wala akong mararating. Nung una akong natanggal sa trabaho ko sa isang cafe, nagpunta ako sa Hollen Tower para mag-interview." Nakinig ako nang mabuti. 'Puno na yung posisyon at nagmukha akong tanga nung hindi ko sinasadyang natapon yung kape ni Ethan sa kanyang ano," patuloy niya. Sabay kaming natawa. Oh man. Paano kung mainit yung kape? 'Jasmine, nagalit siya. Sumigaw siya at sinubukang tanggalin yung natapon sa pantalon niya. Nag-panic ako; prangka lang, natakot ako akala ko sasampalin niya ako." 'Bakit?" 'Inabuso ako nung bata pa ako at akala ko ganun ang lahat. Pero hindi ako sinaktan ni Ethan. May coffee machine siya sa opisina niya kaya gumawa ako ulit ng kape. Ayaw pa rin niya akong makita sa opisina niya kaya tumalikod na ako para umalis pero pinigilan niya ako. Tinikman niya yung kape at pinuri ako. Kinuha niya ako bilang katulong at personal niyang taga-gawa ng kape agad-agad." 'Ang ganda naman." 'Lumala ang mga bagay-bagay nung nahulog ako sa kanya at nahulog din siya sa akin habang engaged siya sa ibang babae. Isa siyang halimaw. Halley at ako ang naghirap sa galit niya." 'Halley at Martin. Yung best friend mo? Pareho kayong katulong?" tanong ko habang naalala ko nung sinamahan ko si Evan sa dinner. Sinabi niya sa akin na best friends ng parents niya yung dalawa at parang pamilya na rin. 'Oo. Maganda ang memorya mo," sabi niya. Ngumiti ako sa sarili ko. 'Anyways, kalaunan nakipaghiwalay sa kanya si Ethan at nag-engage sa akin. Naging bitter siya sa katotohanan na iniwan siya nito para sa isang itim na babae. Ako. Ayaw talaga ako ng nanay niya. Team Sharon siya. Kaya nung umalis si Ethan papuntang Paris, nalaman ko na buntis ako. Wala siya sa tabi ko nung bumalik si Sharon at ang nanay niya sa bahay at literal na hinila ako palabas doon." 'Ano?" 'Oo. Kinaladkad nila ako palabas at itinapon sa likod ng isang van at pinababa ako ng driver sa isang latian sa ibang estado." 'Teka! Ano?" 'Sabi ko sa'yo ayokong matakot ka. Hindi magandang kwento." 'So nalaglag yung baby mo?" tanong ko. Hindi ako makapaniwala na pinagdaanan ni nanay ni Evan ang ganoong kalalang bagay. 'Oo. Sa lahat ng sakit na naranasan ko mula sa kamay ng nanay ni Ethan at ng ex-fiancée niya, napuruhan ako sa tiyan ko nang matindi at higit pa sa minsan. Bawat sakit ay mas malala pa sa nauna. Kung hindi ko nalaglag yung baby na yun, magkakaroon siya ng malubhang karamdaman o kung ano mang uri ng pinsala sa utak o kung ano." 'Nakikiramay ako. Nakakalungkot," sabi ko at inabot sa kanya ang panyo ko. Tumutulo na yung luha sa mukha niya. 'Salamat sa pagkwento nito," sabi ko habang niyakap ko siya. Yung kwento niya, napaisip ako. Paano kung isa sa ex girlfriends ni Evan yung nag-utos na saktan ako at yung baby niya? O paano kung hindi naman ex girlfriend? Paano kung yung kasalukuyang nililigawan niya? POV ni Jasmine Sinusubukan kong tumuwad at minamasahe yung dalawang paa ko. Sumasakit yung mga kalamnan ko at namamaga yung paa ko kasi hindi ako nakakapag-relax na dapat gawin ng isang buntis. Matapos ang mga pagtatangka, sumuko na ako at humiga sa malaking leather couch sa sala ng mansyon. Binalik ako ni Evan sa bahay niya pagkalabas ko sa ospital. Sabi niya hindi siya tumatanggap ng kahit anong tsansa lalo na at hindi pa nahuhuli ang salarin. Binigyan niya ng susi sina nanay at Zenia sa isa sa mga penthouse niya at pwede silang tumira doon hangga't gusto nila. Nag-aaral na ulit si Zenia at na-promote si nanay sa trabaho niya kaya pareho silang busy. Officially five months na akong buntis. Nakikita ko yung OBGYN ko minsan kada linggo. Minsan, si Fisher yung naghahatid sa akin kapag busy si Evan at wala siyang oras para gawin yun mismo. Binuksan ko yung telebisyon at nag-browse sa mga channel. Kaya ano kaya yung Netflix password ni Evan? Pinatay ko yung telebisyon at pumikit yung mga mata ko, pero hindi ako natutulog. Narinig ko yung boses niya galing sa harap ng pintuan at biglang gumalaw yung baby sa loob ko. Umupo ako sa couch at nagkunwaring nanonood ulit ng telebisyon.