KABANATA 36
May kumatok sa pinto.
Biglang nag-panic ako.
'Kalma lang. Dinner date lang naman, 'di ba?'
'Hi,' bati ko habang binubuksan ko 'yung pinto sa lalaking ang gwapo.
Ang perpekto niya at parang down to earth lang siya naka-black na jeans, simpleng white T-shirt, at white sneakers. Nakataas 'yung buhok niya, kumikinang 'yung mga mata, at nakangiti siya. Siya talaga 'yung pinakagwapong lalaki na nakita ko.
'Di siya nabibigyan ng hustisya sa mga magazine at telebisyon.
'Wow, ang ganda mo shet,' puna niya na nagpatawa sa 'kin. Tiningnan niya ako mula ulo hanggang paa habang kinagat niya 'yung labi niya. At ramdam ko na 'yung sparks.
'Salamat. Ikaw din,' binati ko rin siya.
'Ready ka na ba?' tanong niya.
Tumango ako.
'Oy, alam ko namang hindi ka aalis nang 'di mo ako ipapakilala sa date mo,' bungad ng kapatid ko, papalapit sa pinto.
'Sorry. Nakalimutan kita,' humingi ako ng paumanhin na may konting tawa.
'Oo nga. Naiintindihan ko,' sabi niya.
Ngumiti nang malaki si Evan.
'Hi, ako si Evan,' sabi niya, pumasok at inabot 'yung kamay niya. Nakipagkamay siya.
'Ako si Zenia. Kapatid ni Jasmine. Ang saya na nakilala kita sa wakas.'
'Ganun din.'
'Bye Zenia,' sabi ko habang nakatingin sa kanya.
Lumabas si Evan at sumunod ako.
'Jassy, teka!' tawag ni Zenia.
Huminto ako. Lumapit siya at bumulong sa tainga ko.
'Pakisabi sa 'kin kung ano itsura ng nakababata niyang kapatid pagbalik mo, ah?'
Hindi ko mapigilan 'yung malaking tawa ko. Ngumiti sa 'min si Evan na nakatayo limang talampakan ang layo.
'Girl, bye,' pinatigil ko siya.
Bumalik siya sa loob at sinundan ko si Evan sa kotse niya. Binuksan niya 'yung pinto para sa 'kin, parang gentleman. Sumakay ako sa passenger side at siya naman sa driver's seat.
'Ang ganda mo talaga,' puna niya ulit.
'Salamat.' Mentally, nagpasalamat ako kay Zenia.
Umalis siya sa bangketa at hinawakan 'yung kaliwang kamay ko gamit 'yung kanan niya sa buong biyahe papunta sa mansyon ng parents niya.
Pumasok kami sa malaking golden gate at nagmaneho papunta sa entrance ng napakagandang mansyon.
'Okay ka lang ba?' tanong niya, nakatingin sa 'kin habang ipinapark 'yung kotse.
Tumango ako. Hindi makapagsalita dahil sa ganda na nakapalibot sa 'kin.
'Kinakabahan ka. Okay lang 'yan. 'Di naman mahirap pakisamahan 'yung mom at dad ko. Sigurado akong magugustuhan ka niya kasi gusto ka ng dad ko.'
Binuksan ko 'yung pinto ng kotse at lumabas nang ganun din siya. Lumapit siya sa 'kin, hinawakan ulit 'yung kamay ko at dinala kami sa isang glass door.
'Andito na tayo!' sigaw niya pagpasok namin sa isang kwarto na talagang nakakabaliw sa ganda.
Binati kami ng isang maid.
'Magandang gabi, Mr. Hollen. Kumusta po kayo?'
'Okay lang ako Dory. Ito 'yung date ko. Jasmine,' pagpapakilala niya sa 'kin.
'Hello Jasmine at welcome po.'
'Salamat,' sabi ko sa kanya.
'Dito po sa dining room. Pababa na sina Mr. at Mrs. Hollen pero nandun na si EJ sa mesa. Excited na excited siyang makita ka ulit at nang marinig niya na may isasama kang date, lalo siyang sumaya,' sabi niya habang sinusundan namin siya na dumaan sa dalawang living rooms.
Binuksan niya 'yung pinto at pinapasok kami.
May naghihintay na malaking dining table. At nakaupo dun, 'yung mas batang itsura ni Evan. Nakilala ko siya sa opisina.
'Bro!' Hindi napigilan ng excitement niya. Tumayo siya at niyakap 'yung kuya niya. Ginantihan ni Evan 'yung yakap niya at tinapik 'yung likod niya bago ginulo 'yung buhok niya. Umungol si EJ.
'Ipakilala ko sa 'yo 'yung date ko, Jasmine. Jasmine, ito 'yung nakababata kong kapatid, Ethan Junior. O pwede mo siyang tawaging EJ na lang.'
'Nice to meet you,' sabi ko, iniabot 'yung kamay ko. 'Di niya kinuha. Niyakap niya ako imbes.
'Nice to meet you too,' sabi niya pagkatapos niya akong bitawan sa yakap. Parang tatay niya talaga.
'Hello,' sabi ng masayang boses sa likod namin. Dumating na si Emily kasama 'yung date niya. Nakasuot siya ng green dress, masikip sa itaas at maluwag sa kanyang mga bukung-bukong. Hindi ko makita ng maayos 'yung sapatos niya, pero alam kong mayaman 'yung mga taong 'to, sigurado akong mahal 'yun.
Binati ni Evan 'yung kapatid niya at ganun din ako. Binati siya nito ng kaway pero binati ako ng isa pang yakap.
Hinila ni Evan 'yung upuan, pinaupo ako. Umupo siya sa tabi ko na nagpakalma sa 'kin dahil kinakabahan na naman ako bawat minuto.
Nagbukas 'yung pinto at pumasok 'yung isang mag-asawa.
'Hi Halley, hey Martin,' sabi ni Emily na may matamis na ngiti.
Hindi niya tatawagin 'yung mom niya na 'Halley' kaya 'di siya 'yun. 'Di ko sila kilala.
'Best friends 'yan ng parents ko. Halley at Martin. May anak sila pero nag-i-stay sa lola niya ngayong summer,' sabi ni Evan sa bulong sa tainga ko.
'Okay,' sagot ko nang mahina habang pinapanood silang umupo sa tapat namin.
Nagbukas ulit 'yung mga pinto.
'Hello sa inyong lahat,' bati ni Mr. Hollen. Nakasuot siya ng casual na damit tulad ng mga anak niya at sumusunod sa kanya 'yung napakagandang babae na may itim na buhok.
That explains it.
Biglang kumalma 'yung nerbiyos ko ngayon.
Tumayo si Evan at sumunod ako.