Kabanata 36

Napagtanto ni Nadine na mamamatay siya dahil sa leukemia niya; pero hindi niya pa 'yon masyadong iniisip. Paulit-ulit niyang sinasabi kay Adele na gagaling siya sa mga gamot; kaya, kahit na alam niya sa isip-isip niya na hindi totoo 'yon, halos hindi siya nag-iisip tungkol sa kamatayan niya na malapit na. Yun ay, hanggang ngayon lang. Simula nang mamatay si Binibining Krinsky na naging usap-usapan sa buong eskwelahan, parang hindi maiwasan ni Nadine na maalala ang kamatayan; at palagi itong nasa isip niya. Patay na si Binibining Krinsky; at minsan sa malapit na hinaharap, mamamatay din siya. Kahit nalulungkot si Nadine na namatay si Binibining Krinsky…lalo na dahil labis na nalungkot si Adele sa pagkamatay niya…iniisip niya na normal lang ang pagkamatay nito, tulad ng lahat, dahil sa katandaan niya. Parang natural lang na pagkatapos mabuhay ng matagal, siguradong mamamatay si Binibining Krinsky sooner or later. Pero iba sa kanya. Totoo, lahat naman namamatay; pero parang hindi makatarungan 'to. Nasa edad pitumpu na si Binibining Krinsky; samantalang hindi pa nga niya naabot ang kanyang labing pitong kaarawan. Nagsisimula nang ma-obsess si Nadine sa lahat ng mga bagay na hindi niya mararanasan; at sa unang pagkakataon sa buong buhay niya, nagsisimula siyang maawa sa sarili niya. Ayaw niya; pero wala siyang magawa. Sa wakas, sinampal siya ng masakit na katotohanan ng kanyang tadhana; at ramdam ni Nadine ang matinding sakit nito. Umuugong sa isip niya… "Mamamatay ako. Ako'y…mamamatay…" At kapag nawala na ang pagkaawa sa sarili, tumataas ang galit; at mula sa pagtatanong na "Bakit ako, Diyos?" ay naging pagtatanong na "Bakit, Diyos?" Galit siya na malapit nang matapos ang buhay niya; na binigyan lang siya ng maikling panahon para mabuhay. Nasasaktan siya sa katotohanan na hindi niya mararanasan ang lahat ng gusto niyang gawin…makatapos ng high school at makapag-aral sa kolehiyo…umibig at magpakasal…magkaroon at magpalaki ng sariling pamilya…magkaroon ng karera…maging masaya sa lahat ng inaalok ng buhay. Sa madaling salita; magawang tumanda…maabot ang edad ni Binibining Krinsky, o mas matanda pa. Tapos, bumabalik si Nadine sa pag-aalala tungkol sa kung ano ang mangyayari kay Adele kapag wala na siya. At pagkatapos nun… Paano naman ang nanay at ate niya? Oo nga't parang nagkakaintindihan na sila ngayon kumpara noon; pero dahil lang ba 'yon sa pinagdadaanan nila ngayon? Paano kapag namatay na siya; babalik ba sila sa pakikipag-usap sa isa't isa sa pamamagitan ng pag-aaway? Tatakas na naman ba si Corrine; at hindi na babalik dahil wala na siya? Nag-aalala siya… "Kung iiwan ni Cor si Nanay; ano ang mangyayari kay Nanay…at kay Cor? At paano naman si Tatay?" Last week na ng Enero, at si Nadine, na humihina na ang immune system dahil sa leukemia at chemotherapy, ay nagkasakit nang husto dahil sa sipon; at malamang hindi makapasok sa eskwelahan sa susunod na linggo o dalawa. At kahit na nangako si Sarah kay Nadine na si Trish, Janice at siya ay mag-aalaga kay Adele habang wala siya, nalulungkot pa rin si Adele sa pagkamatay ni Binibining Krinsky at madalas mag-isa; kaya mahirap para sa mga babae na bantayan siya. Ibig sabihin, si Adele na mismo ang bahala sa sarili niya sa eskwelahan. Naiintindihan na nasasaktan pa rin ang kanyang apo, sinisikap ni Estelle na bigyan ng kaunting kaluwagan si Adele; pero alas-6:30 na, malamig na ang hapunan, at wala pa ring tawag. Hindi pwede 'to. Iniisip niya na siguro kasama ni Adele si Nadine, kaya tinawagan niya ang mga Martin, pero nalaman niya kay Corrine na wala doon; na wala siya doon buong araw. Nag-umpisa nang mag-alala si Estelle. Sinabi ni Corrine na okay lang siguro si Adele, at sinabi kay Estelle na pupuntahan niya ito. Sinabi ni Estelle kay Corrine na umalis si Adele kaninang umaga papuntang eskwelahan; kaya nagpasya siya na doon siya magsisimulang maghanap. Ang totoo, pumasok nga si Adele sa eskwelahan; at nandoon pa rin siya. Dahil alam na alam ni Christy na may sakit si Nadine, nakita niya ito bilang perpektong pagkakataon para gantihan si Nadine; habang nag-eenjoy din kay Adele. Kaya, pagkatapos humingi ng tulong kay Frankie at sa ilang sa mga kasama niya, pagkatapos ng homeroom, nilagay si Adele sa isang walang laman na locker at iniwan doon. At dahil nag-umpisa na siyang maging ‘old Adele’ ulit, nagdesisyon siyang huwag nang humingi ng tulong sa sinuman at tinanggap na lang ang sitwasyon niya; nanatili sa loob doon sa buong araw.