78. Malalim na Asul na Dagat

Tinapos ni Kaspar 'yung isang linggong bakasyon niya sa cruise ship, sinisigurado na si Klaris ay nakabaon na sa ilalim ng dagat, wala nang chance na bumalik sa mundo ng mga buhay. Napanood niya na may kasiyahan habang desperadong hinanap ni Alfa Kalum ang bawat kwarto at kubina para mahanap ang kanyang minamahal na asawa. Pero hindi niya siya nakita. Suwerte ni Kaspar dahil paborito siya ng langit, kasi 'yung CCTV camera sa paboritong lugar ng mag-asawa ay nag-malfunction sa araw na nagawa niya 'yung kanyang masamang plano. Since wala namang ebidensya na magtuturo sa kanya bilang may sala sa pagkawala ni Klaris, nag-enjoy siya sa natitirang araw niya sa cruise ship, walang iniinda. Tuwang-tuwa sina Aurelia at Bibiana pagkatapos niyang sabihin sa kanila na wala na si Klaris at hindi na babalik kailanman. Sinabi niya sa kanila na nalunod si Klaris sa ilalim ng dagat at malamang kinain na ng mga pating at iba pang mapanganib na hayop na nakatira sa malalim na asul na dagat ang katawan niya. Pasan niya 'yung maleta niya, umalis siya sa barko na masaya, natutuwa sa kanyang mga nagawa. Nakikita na niya 'yung bank account niya na puno ng $10 milyon. Si Aurelia na nag-uumapaw sa saya ay naghihintay na sa kanya sa parking area ng daungan. "Welcome back, Kaspar! Nagtagumpay ka sa misyon mo. Masayang-masaya ako ngayon!" sabi niya na tuwang-tuwa. Ngumiti ng malawak si Kaspar, proud na proud sa sarili niya. "Ang balita tungkol sa nawawalang asawa ni Alfa Kalum na si Charice Evans, ay nakarating na sa lahat ng tao. Ang galing mo. Nagawa mo, sa wakas!" sabi ni Aurelia na tuwang-tuwa. "Syempre, hindi ako pwedeng bumagsak ngayon, lalo na at $10 milyon na ang naghihintay sa akin," nakangiting sabi ni Kaspar. "Oo nga, ikaw na talaga. Natutuwa lang ako na hindi ka bumagsak ngayon. Gumaan ang pakiramdam ko at natutuwa sa iyong pagsisikap. Makakapamuhay na ako ng tahimik sa wakas. Sigurado akong hindi na makakabalik si Klaris ngayong beses," sabi ni Aurelia na tuwang-tuwa. "Oo, hindi na babalik si Klaris. Hindi siya mabubuhay sa mapanganib na tubig. Nalunod siya at lumubog sa ilalim ng dagat," sabi ni Kaspar na confident. "Paano mo nagawa 'yon? Sabihin mo sa akin," tanong ni Aurelia na curious. "Nakita ko si Klaris na nag-iisa. Agad ko siyang pinatigil tapos binuhat ko 'yung katawan niya at itinapon ko sa tubig habang 'yung asawa niya ay pumunta sa restaurant para bumili ng kape. Ganun ko ginawa 'yon," paliwanag ni Kaspar. Nagpalakpak si Aurelia sa tuwa. "Galing! Tinulungan ka ng tadhana na matupad ang misyon mo. Kawawa naman si Klaris!" sabi niya na may halong kamalditahan. "Sige na, tigilan na natin ang pag-uusap tungkol sa kanya. Umuwi na tayo," sabi ni Kaspar. "Okay." Sinimulan ni Aurelia 'yung makina at inilabas ang sasakyan sa parking area ng daungan. Habang ang sasakyan ay maayos na gumagalaw sa abalang highway, sinulyapan ni Kaspar si Aurelia. "So, kailan mo ide-deposit 'yung $5 milyon sa bank account ko?" tanong niya. "Bukas, magsisimula ako sa $1 milyon at susunod-sunod hanggang makumpleto ko 'yung $5 milyon na napagkasunduan natin," sagot ni Aurelia. "Kumusta naman si Bibiana?" tanong ni Kaspar. "Sinabi niya sa akin na gagayahin niya 'yung style ko. Para hindi mag-alert 'yung mga bangko, magse-send siya ng pera sa bank account mo sa mas maliliit na halaga. Kaya, pagkatapos kong ma-deposit 'yung kabuuang $5 milyon sa bank account mo, susunod siya," sabi ni Aurelia. Tinaasan ni Kaspar ng kilay, hindi niya gusto 'yung narinig niya. "Mapagkakatiwalaan ba siya? Paano kung hindi niya tuparin 'yung pangako niya at tumanggi siyang ibigay sa akin 'yung $5 milyon na napagkasunduan natin?" tanong niya, ipinapahayag ang kanyang pagdududa. Ngumiti si Aurelia. "Huwag mong pagdudahan ang sinseridad ni Bibiana. Alam na alam niya na pupuntahan mo siya kung umatras siya at tumanggi siyang ideposit 'yung pera na utang niya sa iyo sa bank account mo. Huwag kang mag-alala, sa tingin ko mapagkakatiwalaan siya," sabi niya na nakakasiguro, hindi nag-aalala na magbabago ang isip ni Bibiana, dahil makikinabang din siya sa pagkamatay ni Klaris, na ginagawa si Alfa Kalum na single ulit. Naging madilim ang mga mata ni Kaspar. "Kung may balak si Bibiana na linlangin ako at tumangging ibigay sa akin ang pera, papatayin ko siya!" sabi niya na galit. "Kalma lang, Kaspar. Hindi natin kaaway si Bibiana. Kaibigan natin siya, partner natin sa krimen. Hindi niya tayo tatalikuran," paninigurado niya. Unti-unting nag-relax 'yung tensyon sa katawan ni Kaspar. "Sige, naniniwala ako sa iyo." Bumuntong-hininga si Aurelia, naiinis sa mapang-utos na ugali ni Kaspar. "Relax ka lang at hintayin mong dumating 'yung pera sa account mo. Hindi na kailangan pang mag-panic. Walang manloloko sa'yo sa perang pinaghirapan mo. Karapat-dapat ka sa gantimpala mo sa maayos na trabaho." "Salamat." Ngumiti si Kaspar. "By the way, may kilala ako na may pwesto na paupahan malapit sa abalang distrito ng lungsod. Nabanggit mo noon na gusto mong magbukas ng tindahan para sa pagbabasa ng kapalaran kapag natanggap mo na 'yung gantimpala mo. Pwede kitang dalhin doon bukas para makita mo 'yung lugar bago pa man maunahan ka ng iba," alok ni Aurelia. Tumango si Kaspar. "Sure. Tingnan natin 'yung lugar bukas," sagot niya na tuwang-tuwa. "Alrighty," ngumiti si Aurelia, maayos na minamaneho ang sasakyan. Nagagalak ang kanyang puso dahil sa wakas ay nawala na ni Kaspar si Klaris. Mula ngayon, walang makakadiskubre na siya at si Kaspar ang dahilan ng pagbagsak ni Klaris. Sa wakas ay malaya na siya mula sa anino ng pagkakasala at mga bangungot ngayong hindi na mahahanap si Klaris. Pakiramdam niya ay nagtatagumpay, lumulutang sa ulap. Pagkatapos ng maikling biyahe pabalik sa mansyon, nanatili si Kaspar sa kanyang kwarto para magpahinga at makipag-chat sa kanyang boyfriend buong gabi. Kinabukasan, naghahanda na sina Kaspar at Aurelia para tingnan 'yung lugar na paupahan. Pero bago 'yon, nag-wire si Aurelia ng $500,000 sa bank account ni Kaspar. "Tingnan mo 'yung bank account mo," sabi niya, pagkatapos nilang sumakay sa sasakyan. Tiningnan ni Kaspar ang kanyang bank account online. "Bakit $500,000 lang?" reklamo niya na nakataas ang kilay. "Relax. Mamayang gabi ide-deposit ko ulit 'yung $500,000 sa bank account mo," paniniguro niya. "Ah, okay," sabi ni Kaspar na gumaan ang pakiramdam. Sinimulan ni Aurelia 'yung makina ng sasakyan at inilabas ang sasakyan sa gate ng mansyon patungo sa bukas na highway. "By the way, nasaan 'yung asawa mo? Hindi ko siya nakikita. Nasaan siya?" tanong ni Kaspar. "Kasalukuyan siyang nasa limang araw na business trip sa labas ng bayan," sagot niya. "Sige, mag-celebrate tayo at kumain sa isang five-star na restaurant dahil sa wakas ay nakuha na natin si Klaris. Nagtagumpay na ako sa pagkakataong ito! Ako na talaga!" sabi niya na nagyayabang, proud sa kanyang masamang nagawa. Pagkatapos ng maikling biyahe, sa wakas ay nakarating na sila sa kanilang destinasyon. Sa sandaling tumapak si Kaspar sa building na paupahan, nagustuhan na niya 'yung vibe ng lugar. Nakikita na niya 'yung kanyang negosyo na lumalaki at umuunlad araw-araw. Pupunta ang mga tao sa pintuan, sabik na ipabasa ang kanilang mga palad para sa magandang kapalaran. Dahil ang lugar ay nasa isang abalang kalye, maraming tao ang susubok sa kanyang mga serbisyo dahil sa kuryosidad hanggang sa sila ay ma-hook at paulit-ulit na humingi ng kanyang mga serbisyo para maging maganda ang pakiramdam nila at kontrolado nila ang kanilang kapalaran. Inisplore nina Kaspar at Aurelia ang building pataas at pababa, at nagustuhan nila ang nakita. Ang building ay may dalawang palapag. Ang unang palapag ay para sa espasyo ng negosyo at ang ikalawang palapag ay para sa tirahan. Pakiramdam na ni Kaspar ay nasa bahay na siya at nasisiyahan sa layout ng lugar, perpekto para sa kanyang negosyo. Tumingin sa kanya si Aurelia at nagtanong, "Gusto mo ba 'yung lugar na 'to?" "Oo. Gustung-gusto ko. Kukunin ko 'to!" sagot ni Kaspar na tuwang-tuwa. "Sige, tatawagan ko agad 'yung ahente para maalis agad 'yung signage na for rent sa labas ng pinto," sabi ni Aurelia. Isang oras ang lumipas, dumating 'yung ahente at inalis 'yung signage pagkatapos nilang magkasundo sa isang taong lease contract para sa lugar. Pagkatapos ng matagumpay na pagsasara ng transaksyon sa ahente, nagtungo sina Aurelia at Kaspar sa sikat na five-star restaurant na matatagpuan sa tuktok ng dalawampung palapag na hotel. Kumain sila doon para ipagdiwang ang pagkamatay ni Klaris. Samantala... Habang ipinagdiriwang ng dalawang masasamang tao ang kanilang tagumpay sa pag-alis sa isang inosenteng babae, abala si Alfa Kalum at ang kanyang team ng mga propesyonal na drayber sa paghahanap kay Klaris sa malawak na karagatan, buhay man o patay. Hindi naging madali ang paghahanap dahil sa hindi mahuhulaang panahon sa magulong dagat, pero si Alfa Kalum at ang iba pang miyembro ng search team ay nagsisikap, gabi't araw, para mahanap si Klaris. Madalas tumingin si Alfa Kalum sa malayo at malawak na sinusubukang makita kung may lumulutang na bangkay sa ibabaw ng malawak na karagatan, pero nabigo dahil malalaking alon lang ang nakikita niya. Sumasakit ang kanyang puso sa sakit at paghihirap, nag-aalala sa kaligtasan at kinaroroonan ng kanyang asawa. Nahihirapan siya sa kawalan ng pag-asa at pagkasira ng loob araw-araw, sa tuwing nabibigo silang mahanap ang kanyang nawawalang asawa. Gaano katagal pang maghahanap si Alfa Kalum kay Klaris sa malawak at mapanganib na karagatan? Gaano katagal pa siyang magtitiyaga sa paghahanap? Gaano katagal pa niya kayang gawin bago siya sumuko?