Kabanata 92
Hinawakan niya 'yung maliliit na daliri, tapos binigyan niya ng munting halik 'yung maputlang pulso.
"Pupunta 'tong duke sa disyerto sa timog ng Gaerin pero hindi ibig sabihin na wala siyang kapangyarihan dito sa kabisera. Kapag may nakita akong kahit isang buhok lang na gumalaw sa pinsan kong babae, kakamutin ko 'yung mata mo at huhukayin ko 'yung puso mo." Naghiyawan 'yung libu-libong sundalo sa likod nung lalaki na nakatutok 'yung mala-yelong asul na mata kay Heneral Bezus.
Si Artilia ay sobrang importante para kay duke lagi, pero this time, sinusuportahan din siya ni Prinsesa Semeara (Lilith na nagpapanggap) kaya naman hindi nagawa ni Heneral Bezus na gawin 'yung gusto niya kundi ngumisi na lang at yumuko bilang paggalang habang 'yung anak niya ay nagtali ng mga laso na nakuha niya sa kumbento sa braso ni Aeon.
"Kapag pupunta sa mga disyerto, dapat kumain ng maayos si kuya at 'wag masyadong mag-alala. Binabantayan tayo ng diyosa, kahit na nagdurusa... hindi ka mamamatay."
Pagkasabi na pagkasabi ni Artilia ng 'mamamatay', nanginig 'yung mata ni Aeon. Patay na 'yung nanay niya at hinding-hindi niya hahayaang sundan ng kapatid niya 'yung landas na 'yun. Kailangan niyang protektahan siyang kahit anong mangyari. Hindi makahinga ng maayos 'yung mga babae sa palasyo ni Heneral Bezus para hindi mapukaw 'yung pagiging uhaw sa dugo na kitang-kita sa mata ng batang duke, pero bukod kay Aeon, walang nakapansin sa maputlang mukha ni Lilith.
Hindi natigil ng mga himno at dasal 'yung gulo na sumisibol sa puso niya. Si Lilith, na pumunta para magpaalam kay Artilia, hindi napigilan ang panginginig nang makita niya si Archduke Aeon doon pati na rin 'yung isang taong nagpatigas sa kanya.
Gusto niyang lumapit at yakapin 'yung maliit na batang nakaupo sa kabayo... 'yung Yialos niya.
Sinabi ni Aeon sa lahat na nandito siya para magpaalam sa pinsan niyang si Artilia bago pumunta sa disyerto sa timog. Ginamit ni Reyna Jeasen 'yung kapangyarihan niya at nagtagumpay na paalisin si Aeon para walang makakaistorbo sa mga plano niya at para hindi masabi kay Lilith 'yung pagkamatay ng mga magulang niya, pero sa totoo lang, hindi naman talaga naghirap si Aeon kaya binisita niya si Lilith nang palihim.
Malaking grupo 'yung sumunod kay duke habang tumalikod siya bago tumingin kay Lilith at ngumiti.
"Paalam sa pinakamarangal na babae ng imperyo - ang kanyang kamahalan na si Prinsesa Semeara." Sinasabi 'yun nang may pang-aasar at dahil ayaw ni Yialos kung paano kausapin ni Aeon 'yung kapatid niya, nakasimangot siya sandali bago tumingin sa kapatid niya na may pagmamahal.
_____________________________________________________________________________________
"Ano? Kilala ni prinsesa 'yung mahal ko - si Yialos?
Sana kilalanin ni Prinsesa Lilith 'yung sarili ko. Mahal ko siya kaya hindi lang ako pupunta sa disyerto mag-isa, kundi isasama ko rin siya." Mabilis 'yung pag-slash ng espada na kahit anino ng mga bantay na nagtatago sa loob ng tela ng caravan tent, hindi na nagkaroon ng pagkakataon na kumurap man lang, 'yung espada ni Aeon ay nakabunot para pigilan 'yung dagger na nakatutok sa kanya kaya nagbanggaan 'yung dalawang matalas na blade, kung medyo na late lang siya sa pagbunot ng espada, 'yung dagger sana ay tumusok sa puso niya.
"VRAK!" 'Yung boses ay may sobrang galit at utos na kahit 'yung mga aninong bantay ni Archduke Aeon ay hindi naglakas-loob na pumagitna sa babaeng nakasuot ng itim na damit na 'yung mga mata ay parang pulot-pukyutan ang tanging makikita. Inutusan ni Lilith 'yung mga tauhan ni Aeon na umatras at naramdaman 'yung galit niya kaya naman tumango 'yung lalaki na isinumpa din 'yung buhay.
"Aeon, hindi 'tong prinsesa ang pinakamagaling na babae ng imperyo pero may pinakamarangal na dugo siya hindi katulad mo na isinilang mula sa maruming binhi ng bastardo na 'yun na si Ragel. Hindi ka kailanman tumigil sa pagpuna pero ngayon, 'yung pagiging bastos mo ay maaring magdulot ng kamatayan mo. Ang kapatid kong si Yialos, paano mo siya nakuha?"
May konting galit na nakita sa mga mata ni Aeon nang banggitin ni Lilith si Ragel sa harap niya at tumawa 'yung lalaki nang malamig bago tumayo.
"Hindi pinakamarangal? At sino ang may kasalanan? Si Prinsipe Vzeus ay hindi nakakuha ng trono dahil kulang siya ng hukbo, pinagplanuhan siya at ginawan ng masama dahil sa kahinaan niya - ikaw, Prinsesa Lyra at Yialos pero ikaw.... talagang kinamumuhian ka ng prinsipe dahil nasa 'yo ang lahat ng kapangyarihan, tadhana ng dragon na binasbasan ng diyosa, si Heneral Casagon na nagsanay sa 'yo at pati na rin ako at si Artilia pero sa huli anong ginawa mo?
Sumuko na alam mong wala ka nang mapapala kundi maging puta sa emperador na 'yun ng Ambrose."
"BASTOS! Hindi ko hahayaan na magdusa ang pamilya ko dahil sa akin!"
"Hangal na babae! Kung may taong mas kinamumuhian 'tong prinsipe kaysa kay Emperatris Daphane, 'yun ay ikaw, Lilith. Sumuko ka para iligtas ang ama mo? Para iligtas ang ina mo? NASAN SILA NGAYON?! PATAY NA SI PRINSIPE VZEUS AT SI PRINSESA LYRA LILITH! Gumising ka sa pagpapantasya mo!"
'Yung palayok na porselana na may lamang sariwang tubig ay nabasag sa sahig sa milyun-milyong piraso at kasabay 'yun ay kumidlat sa langit. Para bang nagbabalik 'yung kapangyarihan ng diyosa ng digmaan at nagigising sa walang katapusang pagtulog.
Dalawang tao na may kaugnayan sa dugo ay magkaharap pero walang isa man sa kanila ang nagsalita ng kahit isang salita kundi nagkatinginan lang. May mainit na luha na tumulo sa mukha ng babae na nagulat na tumingin kay Yialos na nanlalabo 'yung mata dahil sa pula.
"K-kapatid" May sobrang sakit pero walang gulat sa mga nanginig na mata na kahawig ng kanya.
"Alam mo?"
"Oo"