31

Pumasok si Claudia sa kwarto, at lumingon sa kanya si Alex... Ngumiti siya kay Alex at winagayway ang kamay niya habang naglalakad papunta sa upuan sa harap niya... Kung magiging maayos ang lahat, sobra-sobra ang pera niya para lang mailabas ang anak niya sa kulungan, pati na rin para mabayaran ang interes sa ilan sa mga utang niya, baka higit pa nga... Sinuri ng mga mata niya ang mga damit niya hanggang sa sapatos niya, mukha rin siyang mayaman... Nagtatrabaho ba siya sa isang malaking kumpanya? O isa siyang may-ari ng negosyo, baka pwede niyang ipakilala sa anak niya? "Pwede kang umorder ng kahit anong gusto mo," sabi ni Alex, at ilang segundo lang, dumating ang isang waiter sa kwarto para kunin ang ibang... Nakita ni Claudia na pagkakataon niya na 'yon at agad na ipinakita sa waiter kung ano ang gusto niya sa menu... Ang pinakamahal na ulam sa restaurant... Gusto niyang matikman kung ano ang ginagastos ng mga mayayaman... Hindi siya nag-alala sa kung ano ang ino-order niya, at nakumbinsi na rin si Claudia na mayaman talaga siya... Saan nakilala ng pamangkin niya ang lalaking ito... mas maganda sana kung ang bobong anak niya ang nakakita sa kanya imbes na si Juliet. Edi sana hindi na sila naghihirap... "Boyfriend ka ba talaga niya?" tanong ni Claudia na may ngiti sa mukha niya...mayaman kasi siya. Baka pwede siyang humingi ng kahit ano sa kanya dahil hindi siya pinapansin ni Juliet. Wala siyang pakialam kung galing sa kanya o kay Juliet ang pera. Gusto lang niya ng magbibigay... "Wala kang pakialam doon," malamig na sagot ni Alex sa kanya, parang yelo ang mga mata niya... Napalunok si Claudia. Mahirap hindi matakot sa kanya kapag ganoon siya tumingin... "Bakit mo ako dinala dito. Kung bibigyan mo ako ng pera, lulubayan ko si Juliet. Alam niya kung ano ang kailangan ko, pero patuloy niya akong hindi pinapansin." "At bakit ko gagawin 'yon?" sabi ni Alex, tiningnan siya ng masama ni Claudia, galit na galit siya sa paraan ng pagsasalita nito sa kanya na para bang hindi siya mahalaga... Siya ang may bentahe dito, hindi siya... "Wala ka bang pakialam sa pamangkin ko, kung mahal mo talaga siya, hindi ba tama na pumanig ka sa natitirang pamilya niya?" Sabi niya nang may kumpiyansa, at tinuya siya ni Alex... Akala siguro niya may hawak siya laban sa kanya, naisip niya... Wala siyang ideya na alam niya ang lahat tungkol sa kanya at sa pinaggagawa niya sa buong panahon... Alam pa niya na sa kanya lang ang bahay ng lolo at lola ni Juliet, pero hindi pa rin siya kuntento... isa siyang peste na kailangang spray-an... "Sigurado ako na alam lang ng pulis na magnanakaw ang anak mo... Alam ba nila ang ibang mga ginagawa niya... Hindi ako sigurado na mailalabas mo siya kung malaman nila." Natigilan si Claudia at parang nagwala ang tiyan niya... "Anong pinagsasabi mo!" Tumaas ang boses niya, sinusubukang magkunwaring walang alam, pero hindi gumana kay Alex 'yon... Hindi siya man lang natinag sa pagpapanggap niya... Lumapit siya nang kaunti at sinabi sa malamig na boses, "Pwede siyang makulong ng maraming taon kung malalaman nila ang mga transaksyon niya." Napalunok si Claudia at hinawakan ang kamao niya... Sino ba ang lalaking ito at paano niya nalaman 'yon!. kaya nga gustong-gusto niyang mailabas ang anak niya sa kulungan, ayaw niyang malaman ng pulis ang pinasok niya... Hindi niya kayang tiisin kung gagawin nila 'yon. Hindi pa nga niya kayang magbayad ng magandang abogado para ipagtanggol siya... Bakit pa kasi kailangang sumulpot ng b*stardo na ito at sirain ang lahat para sa kanya! Alam niyang susuko si Juliet kung pipilitin pa niya... Tumayo siya at hinampas ang kamay niya sa mesa, sinusubukang manindigan at ipagtanggol ang sarili niya... "Wala kang alam tungkol sa akin at sa pamilya ko... wala kang ideya kung ano ang pinagdaanan namin!" Sabi ni Claudia, sinusubukang umarte na parang biktima, pero hindi gumana 'yon kay Alex... "Hindi 'yon nagbibigay katwiran sa paraan ng iyong pag-akto... Anong kinalaman niyan kay Juliet, hindi siya ang may gawa ng mga problema mo" Sinabi ni Alex sa kanya ang mapait na katotohanan at totoo nga kay Claudia at ayaw niyang tanggapin na isa siyang kumpletong istorbo... "Pamilya niya kami. Dapat niya kaming tulungan kapag kailangan namin ng tulong at hindi kami iniiwasan. Iyan ang tungkol sa pamilya." Baka walang pinakamagandang pamilya si Alex, pero alam niya na hindi totoo 'yon, at isa lang baliw na babae si Claudia na nag-iisip na pwede niyang gawin ang kahit ano sa kanyang drama... iyon ang mga uri ng tao na kinamumuhian niya... Tumayo rin siya at ngumiti... "Hindi ko na kayang makita ka pa... Lumayo ka sa kanya o makikinig ka sa mga abogado ko... Baka mas mabuti kung sumama ka sa anak mo sa kulungan para magkasama kayong dalawa kahit na sigurado akong lalabas ka bago siya." Lumingon si Alex para umalis pero huminto at tumingin sa kanya. "Pwede mo nang kainin ang hapunan mo dito. Huwag kang mag-alala sa bill, naayos na 'yon." "Wala kang alam tungkol kay Juliet," sabi ni Claudia nang paalis na si Alex sa pinto... Lumingon siya para tignan siya, ang mga berdeng mata niya ay parang glacier "Tama ka. Wala akong alam tungkol sa kanya, pero wala naman akong pakialam." Lumabas siya ng pinto pagkatapos noon, iniwan si Claudia na wasak na wasak. Ang buong plano niya ay naglaho dahil may nakialam...